ول پروپورتسيونالدى سايلاۋ جۇيەسى قوعامداعى ساياسي كۇشتەردىڭ مۇددەسىن بارىنشا كەڭ قامتۋعا مۇمكىندىك بەرەتىنىن جەتكىزدى. مۇنداي ءتاسىل پارتيالاردىڭ ينستيتۋتسيونالدىق دامۋىن جەدەلدەتىپ, پارلامەنتتەگى ساياسي باسەكەنى ارتتىرادى.
ادىلەت ءمينيسترى كونستيتۋتسياعا قانداي وزگەرىستەر ەنگىزىلەتىنىن ايتتى
دەپۋتات ەكى پالاتالى پارلامەنت مودەلى نەگىزىنەن فەدەرالدىق مەملەكەتتەرگە ءتان ەكەنىن اتاپ ءوتتى. ال قازاقستان ۋنيتارلىق مەملەكەت رەتىندە زاڭداردىڭ ەل اۋماعىندا بىركەلكى قولدانىلۋىن, وڭىرلەر مەن ازاماتتاردىڭ قۇقىقتارى مەن مۇمكىندىكتەرىنىڭ تەڭ ساقتالۋىن باستى قاعيدا ەتىپ كەلەدى.
سونداي-اق ول مەملەكەت باسشىسىنىڭ بۇل باعىتتاعى قادامدارى جۇيەلى تۇردە جۇزەگە اسىپ جاتقانىن ايتتى. 2022 جىلى زاڭ شىعارۋ قۇقىعىنىڭ ماجىلىسكە بەرىلۋى مەن سەناتتىڭ فۋنكتسيالارىن قايتا قاراۋ قازىرگى رەفورمالاردىڭ لوگيكالىق جالعاسى رەتىندە باعالاندى.
ازات پەرۋاشەۆتىڭ پىكىرىنشە, ءبىر پالاتالى پارلامەنتتىڭ وكىلەتتىگىن كۇشەيتۋ مەملەكەتتىك بيلىك جۇيەسىنىڭ تيىمدىلىگىن ارتتىرادى. سونىمەن بىرگە كونستيتۋتسيادا حالىق كەڭەسىنىڭ مارتەبەسىن بەكىتۋ باستاماسى ازاماتتىق قوعام مەن ەتنوستاردىڭ ساياسي ۇدەرىسكە قاتىسۋ اياسىن كەڭەيتىپ, قوعامدىق كەلىسىمدى نىعايتۋعا ىقپال ەتەدى.
نۇرلان بەكنازاروۆ: قۇرىلتايدىڭ كەلىسىمىنسىز دەپۋتاتتى جاۋاپكەرشىلىككە تارتۋعا بولمايدى
دەپۋتات ۇسىنىلىپ وتىرعان كونستيتۋتسيالىق وزگەرىستەر حالىقارالىق تاجىريبەگە ساي كەلەتىنىن جانە پارلامەنتاريزمدى دامىتۋدىڭ جيناقتالعان ۇلگىلەرىنە سۇيەنىپ وتىرعانىن اتاپ ءوتتى.
