قويدى قاسقىرعا باقتىرۋ ما؟

ەلىمىزدە اۋىل شارۋا­شىلىعى مينيسترلىگىنە قارايتىن ۆەتەرينارلىق باقىلاۋ جانە قاداعالاۋ كوميتەتى قۇرىلعان. ال ەل وڭىرلەرىندە ونىڭ اۋماقتىق ينسپەكتسيالارى جۇمىس جاسايدى. قازىرگى كەزدە بۇل قۇرىلىمدارعا جۇكتەلىپ وتىرعان ۆەدومستۆولىق جاۋاپكەرشىلىك وتە جوعارى. ايتسە دە, باتىس قازاقستان وبلىستىق ينسپەكتسياسىنىڭ لاۋازىمدى قىزمەتكەرلەرى ەلىمىزگە الىس شەتەلدەردەن ەت ونىمدەرىن جەتكىزۋ كەزىندە وزدەرىنە سەنىپ تاپسىرىلعان تىكەلەي فۋنكتسيالىق ءمىن­دەتتەردى بەلدەن باسقانى بەل­گىلى بولىپ وتىر. مۇنداي كەرەعارلىقتار مەن زاڭسىزدىقتاردى باتىس قازاقستان وبلىستىق پروكۋراتۋراسى انىقتادى. اتاپ ايتقاندا, اتالعان ينس­پەك­تسيانىڭ مەملەكەتتىك ۆەتە­رينارلىق-سانيتارلىق ينس­پەكتورلارى مارات قابدەنوۆ پەن سەرىك سۇندەتوۆ وسىن­داي لاس ءىس-ارەكەتكە بارعان. ولار ەلىمىزگە جال­عان ۆەتەرينارلىق سەرتي­فيكاتتار بويىنشا ەت ونىمدەرىنىڭ جەتكىزىلۋىنە كوزدەرىن جۇما قاراعان. ونى كورسە دە كورمەگەندەي ءتۇر كورسەتكەن. بۇل تۇرعىدا جاسالعان پروكۋرورلىق تەكسەرۋلەر ەت ونىمدەرىن جىبەرۋشى برازيليا ەلىنەن سەرتيفيكات تۇپنۇسقاسىنىڭ جوق بولعانىن راستايدى. سونىمەن بىرگە, ليتۆا رەس­پۋبليكاسىنان بەرىلگەن قۇجات تا ءتيىستى ۇلگىگە سايكەس كەلمەگەن. سوعان قاراماستان, جوعارىدا اتى-جوندەرى كورسەتىلگەن لاۋازىمدىق قىزمەتكەرلەر وسى سەرتيفيكاتتاردى زاڭسىز تۇردە قايتا رەسىمدەگەن. كەيىن ەت ونىمدەرى تيەلگەن اۆتوكولىك رەسەي فەدەراتسياسىندا ۇستالعان. ءسىرا, حالقىمىز قويدى قاسقىرعا باقتىرۋ دەگەن ءتىر­كەستى وسىندايدا ايتسا كەرەك. تەمىر قۇسايىن, «ەگەمەن قازاقستان». باتىس قازاقستان وبلىسى.