سوعىستا دا ادامزاتتىق قاعيداتتار ساقتالۋى شارت

ۇلى مارتەبەلى يوردانيا حاشيميت كورولدىگىنىڭ كورولى II ابداللا بەن ءال-حۋسەين جانە برازيليا, يوردانيا, قازاقستان, قىتاي, فرانتسيا جانە وڭتۇستىك افريكا رەسپۋبليكاسى باسشىلارى حالىقارالىق قىزىل كرەست كوميتەتىمەن ارىپتەستىكتە بارلىق مەملەكەتتەردىڭ باسشىلارىن وسى شەشۋشى كەزەڭدە بىرلەسىپ ارەكەت ەتۋگە شاقىرادى. ول سوعىس جۇرگىزۋ ەرەجەلەرىنىڭ قاقتىعىس كەزىندەگى ورتاق ادامگەرشىلىگىمىزدى ساقتاۋدا ىرگەلى ماڭىزعا يە جانە بۇل ەرەجەلەردىڭ امبەباپ, ءادىل ءارى دايەكتى تۇردە ساقتالۋعا ءتيىس ەكەنىن ءبىراۋىزدان راستاپ, بىرلىك تانىتۋىمىز قاجەتتىگىن اتاپ ءوتتى.

سوعىستاعى قاتىگەزدىكتى, اقىلعا قونىمسىز ادامزاتتىق ازاپ-قايعىنى جانە زالالدى توق­تا­تۋعا دەگەن تەرەڭ جاۋاپكەرشىلىك پەن شۇ­عىل قا­جەتتىلىكتى سەزىنە وتىرىپ, برازيليا, يور­دانيا, قازاقستان, قىتاي, فرانتسيا, وڭتۇس­تىك افريكا رەسپۋبليكاسى حالىقارالىق قىزىل كرەست كوميتەتىمەن بىرلەسىپ, 2024 جىل­عى قىركۇيەكتە حالىقارالىق گۋمانيتارلىق قۇقىق جونىندەگى جاھاندىق باستامانى ىسكە قوستى.

بۇگىنگە دەيىن الەمنىڭ بارلىق وڭىرىنەن 99 مەملەكەت حالىقارالىق گۋماني­تار­لىق قۇقىق جونىندەگى جاھاندىق باستا­ما­عا رەسمي تۇردە قوسىلدى. 27 مەملەكەت حالىق­ارالىق گۋمانيتارلىق قۇقىقتى قۇر­مەت­تەۋدى نىعايتۋعا, سوعىس جۇرگىزۋدىڭ قازىر­گى زامانعى وزگەرىستەرى تۋىنداتقان سىن-قاتەر­لەردى شەشۋگە باعىتتالعان پراكتيكالىق ۇسىنىمدار ازىرلەۋ ءۇشىن جەتى تاقىرىپتىق جۇمىس باعىتىن بىرلەسىپ ۇيلەستىرىپ وتىر. باستاماشى توپ بارلىق مەملەكەتتى وسى كۇش-جىگەرگە قوسىلىپ, سوعىس ۋاقىتىندا ز ۇلىمدىقتىڭ الدىن الىپ, ادامزاتتىق قۇن­دى­لىقتاردى قورعاۋ بويىنشا ورتاق جاۋاپ­كەرشىلىگىمىز توڭىرەگىندە بىرىگۋگە شاقىرادى.