فوتو: مادەنيەت جانە اقپارات مينيسترلىگى
«تاۋەلسىزدىك ۇرپاقتارى» گرانتى مەملەكەت باسشىسىنىڭ باستاماسىمەن دارىندى ءارى بولاشاعىنان ءۇمىت كۇتتىرەتىن جاستاردى قولداۋ ماقساتىندا 2021 جىلى قۇرىلعان. وسى ۋاقىتقا دەيىن اتالعان گرانت 123 ازاماتتىڭ يدەياسىن ىسكە اسىرۋعا جانە دامىتۋعا مۇمكىندىك بەردى.
ايدا بالاەۆا جاستاردى قولداۋ مەملەكەتتىك ساياساتتىڭ باسىم باعىتتارىنىڭ ءبىرى ەكەنىن اتاپ ءوتتى.
«قىزىلوردادا وتكەن ۇلتتىق قۇرىلتايدا مەملەكەت باسشىسى ەل دامۋىنىڭ الداعى باعىتىن ايقىنداپ, جاڭا كەزەڭنىڭ ستراتەگيالىق مىندەتتەرىن ناقتىلاپ بەردى. قازىرگى قابىلدانىپ جاتقان شەشىمدەر مەن جۇزەگە اسىپ جاتقان رەفورمالار جاستارعا ساپالى ءبىلىم الىپ, ءوز الەۋەتىن تولىق ىسكە اسىرۋعا, باسەكەگە قابىلەتتى, سانالى ازامات بولىپ قالىپتاسۋىنا مۇمكىندىك بەرەدى. سوندىقتان بۇل تاريحي كەزەڭ – تەك وزگەرىستەر ۋاقىتى عانا ەمەس, بولاشاققا دەگەن سەنىمدى نىعايتاتىن, جاڭا مۇمكىندىكتەرگە جول اشاتىن ماڭىزدى ءداۋىر دەپ ايتۋعا تولىق نەگىز بار», دەدى ۆيتسە-مينيستر.
مادەنيەت جانە اقپارات مينيسترلىگىنىڭ مالىمەتىنشە, بيىل «تاۋەلسىزدىك ۇرپاقتارى» بايقاۋىنا 6 باعىت بويىنشا 1700 ءوتىنىم كەلىپ تۇسكەن, ونىڭ 1622-ءسى قابىلدانعان. ولاردىڭ قاتارىندا قازاقستاننىڭ مادەني مۇراسىن مەن ۇلتتىق داستۇرلەردى ناسيحاتتاۋعا, مادەنيەت پەن ونەردى دامىتۋعا, عىلىمي زەرتتەۋلەر جۇرگىزۋگە, IT جانە ۆولونتەرلىك سالاداعى ستارتاپتارعا, سونداي-اق كرەاتيۆتى بيزنەس-يدەيالارعا باعىتتالعان جوبالار بار.
