فوتو: instagram.com/f.c.kairat/
24 جاستاعى جارتىلاي قورعاۋشى بۋەنوس-ايرەس پروۆينتسياسىنا قاراستى حوسە-ماريا-حاۋرەگي قالاسىندا دۇنيەگە كەلگەن. كاسىبي مانسابىن «لوس اندەس» كلۋبىندا باستاپ, كەيىن «يندەپەندەنتە ريۆاداۆيا» جانە «تالەرەس» كلۋبىنىڭ ەكىنشى كومانداسىندا جالعاعان.
ودان كەيىن سەباستيان سەبالوس بوليۆياعا اۋىسىپ, «رەال ورۋرو» كلۋبىندا دوپ تەپكەن. وتكەن ماۋسىمدا ول كومانداسىنىڭ كوشباسشىلارىنىڭ ءبىرى بولىپ, 40 ماتچتا 18 گول سوعىپ, 5 ناتيجەلى پاسپەن كوزگە تۇسكەن.
30 جاستاعى لۋكاس ەنريكە دا سيلۆا سان-پاۋلۋ قالاسىندا دۇنيەگە كەلگەن. كاسىبي مانسابىن 2015 جىلى گۋاراليۋستاعى «فلامەنگو» كلۋبىندا باستاعان. كەيىن «سانتوس» پەن «لوندرينا» سىندى تانىمال برازيليالىق كلۋبتاردىڭ نامىسىن قورعاعان.
ول 2018 جىلى ەۋروپاعا اۋىسىپ, پورتۋگاليا چەمپيوناتىندا «ماريتيمۋ» مەن «ەشتوريل» قۇرامىندا بىرنەشە ماۋسىم ونەر كورسەتكەن. 2023 جىلى ءازىربايجاننىڭ «گابالا» كلۋبىندا ويناپ, كەيىن پورتۋگالياعا ورالىپ, «فارەنسە» كلۋبىمەن كەلىسىمشارت جاساسقان. پورتۋگاليانىڭ جوعارى ديۆيزيونىندا جالپى 75 ماتچ وتكىزىپ, ءۇش گول سوققان.
برازيليالىق قورعاۋشى تۇركيانىڭ ءبىرىنشى ليگاسىندا ونەر كورسەتەتىن «ۆان سپور» قۇرامىندا دوپ تەپتى. وندا ول 11 ماتچتا جاسىل الاڭعا شىققان.
«قايرات» فۋتبول كلۋبى اتالعان ويىنشىلاردىڭ چەمپيوندار ليگاسى اياسىندا 20 قاڭتاردا «استانا ارەنادا» وتەتىن بەلگيالىق «بريۋگگەگە» قارسى ماتچتا الاڭعا شىعۋىنا قاتىستى اقپارات بەرمەگەن.
ايتا كەتەيىك, 28 قاڭتار كۇنى «قايرات» لوندوندا «ارسەنالعا» قارسى جاسىل الاڭعا شىعادى.
ەسكە سالايىق, بۇعان دەيىن «قايرات» ساپىنان يزرايلدىك جارتىلاي قورعاۋشى وفري اراد كەتكەنىن حابارلاعانبىز.
