فوتو: اشىق دەرەككوز
AmanVIBE دەرەككوزىنىڭ حابارلاۋىنشا, پورتۋگاليالىق شابۋىلشى جاقىن ارادا «اق-قىزىلداردىڭ» وقۋ-جاتتىعۋ جيىنىنا قوسىلادى. تاراپتار 1 جىلدىق كەلىسىمشارتقا قول قويعان. ءنانيدىڭ جالاقىسى قازاقستان پرەمەر-ليگاسى (قپل) تاريحىنداعى ەڭ جوعارى كورسەتكىش بولماق.
قازاقستان فۋتبولشىسى ەۋروپاداعى كلۋب ساپىندا ءساتتى دەبيۋت جاسادى
جوسپار بويىنشا, فۋتبولشى 22 قاڭتاردا الماتىعا ۇشىپ كەلىپ, ءارى قاراي اقتوبەگە اتتانادى. سودان كەيىن جانكۇيەرلەر الدىندا رەسمي تانىستىرىلىم ءراسىمى وتەدى.
ناني «مانچەستەر يۋنايتەد» ساپىندا ءجۇرىپ, الەمدىك دەڭگەيدەگى بارلىق جۇلدەگە قول جەتكىزگەن:
- انگليا پرەمەر-ليگاسىنىڭ ءتورت دۇركىن چەمپيونى;
- چەمپيوندار ليگاسىنىڭ جەڭىمپازى;
- كلۋبتار اراسىنداعى الەم چەمپيوناتىنىڭ جەڭىمپازى;
- انگليا كۋبوگى مەن سۋپەركۋبوگىنىڭ يەگەرى.
ءار جىلدارى ول «سپورتينگ», «فەنەرباحچە», «ۆالەنسيا», «لاتسيو» سەكىلدى ەۋروپانىڭ توپ-كلۋبتارىندا, سونداي-اق اقش پەن اۋستراليا چەمپيوناتتارىندا ونەر كورسەتكەن.
