اتالعان ورتالىق قالا اكىمدىگىنىڭ, اقش ەلشىلىگى مەن اقش-تىڭ الماتىداعى باس كونسۋلدىعىنىڭ, سونداي-اق جەرگىلىكتى سەرىكتەس ۇيىمداردىڭ قولداۋىمەن ەسىك اشىپ وتىر. جوبا قالا تۇرعىندارىنىڭ ءبىلىم الۋ, شىعارماشىلىقپەن اينالىسۋ جانە زاماناۋي تەحنولوگيانى مەڭگەرۋ مۇمكىندىگىن كەڭەيتۋگە, سونداي-اق حالىقارالىق مادەني جانە ءبىلىم بەرۋ ىنتىماقتاستىعىن نىعايتۋعا باعىتتالعان.
جەزقازعاندا مادەنيەت ءۇيىنىڭ جوندەۋ جۇمىستارىنا 300 ملن تەڭگە ءبولىندى
سالتاناتتى راسىمگە مادەنيەت باسقارماسىنىڭ باسشىسى دانيار اليەۆ, قازاقستان جازۋشىلار وداعىنىڭ توراعاسى مەرەكە قۇلكەنوۆ, اقش-تىڭ الماتىداعى باس كونسۋلى ميشەل ەركىن, «Chevron International Petroleum Company» كومپانياسىنىڭ ۆيتسە-پرەزيدەنتى ديلان مورگان, اقش باس كونسۋلىنىڭ ءباسپاسوز, مادەنيەت جانە ءبىلىم جونىندەگى كەڭەسشىسى حيرا كاۋر كامبودج, سونىمەن قاتار ءبىلىم بەرۋ جانە مادەنيەت ۇيىمدارىنىڭ وكىلدەرى قاتىستى.
ءىس-شارا بارىسىندا الماتى قالاسى مادەنيەت باسقارماسىنىڭ باسشىسى دانيار اليەۆ ءوز قۇتتىقتاۋ سوزىندە ورتالىقتىڭ ماڭىزىن اتاپ ءوتتى:
«كىتاپحانا – ۇلكەن مادەني ورتا. قازاقتا «كەز كەلگەن ەلدىڭ بولاشاعىن ءبىلۋ ءۇشىن ونىڭ جاستارىنا قارا» دەگەن دانا ءسوز بار. جاستاردىڭ ءبىلىم الىپ, شىعارماشىلىق جانە زياتكەرلىك تۇرعىدان دامۋىنا جول اشاتىن وسىنداي زاماناۋي ورتالىقتىڭ كىتاپحانادا اشىلۋى مادەنيەت سالاسىن دامىتۋدىڭ ماڭىزدى باعىتى سانالادى. بۇل باستاما ەكى ەلدىڭ اراسىنداعى مادەني ىنتىماقتاستىقتى نىعايتىپ, ءوزارا تۇسىنىستىك پەن سەرىكتەستىكتى جاڭا دەڭگەيگە كوتەرەدى دەپ سەنەمىن» دەدى دانيار اليەۆ.
«American Space & Makerspace» ورتالىعى – ءبىلىم مەن شىعارماشىلىقتى, يننوۆاتسيا مەن تاجىريبەنى ۇشتاستىرعان زاماناۋي كوپفۋنكتسيونالدى الاڭ. مۇندا اقش ۋنيۆەرسيتەتتەرىندە ءبىلىم الۋعا قىزىعۋشىلىق تانىتقان جاستارعا كەڭەس بەرۋ, اعىلشىن ءتىلى كۋرستارى مەن سويلەۋ كلۋبتارى, كاسىبي جانە تسيفرلىق داعدىنى دامىتۋعا ارنالعان ۆوركشوپتار, سونداي-اق كاسىپكەرلىك, كوشباسشىلىق جانە ازاماتتىق بەلسەندىلىك باعىتىنداعى باعدارلامالار ىسكە اسىرىلادى.
ءىس-شارا اياسىندا اقش-تىڭ الماتىداعى باس كونسۋلى ميشەل ەركىن قۇتتىقتاۋ ءسوز سويلەپ, ورتالىقتىڭ ماڭىزىنا توقتالدى:
«American Space & Makerspace – ادامداردى بىرىكتىرەتىن, ءبىلىم مەن يننوۆاتسيا ارقىلى بولاشاققا جول اشاتىن سەنىم مەن سەرىكتەستىك الاڭى. ءبىز بۇل كەڭىستىكتىڭ جەرگىلىكتى قاۋىمداستىقتىڭ ناقتى قاجەتتىلىگىنە جاۋاپ بەرىپ, جاستار ءۇشىن اشىق ءارى قولجەتىمدى بولىپ قالۋىن قامتاماسىز ەتۋ ماقساتىندا قازاقستاندىق سەرىكتەستەرىمىزبەن بىرلەسە جۇمىس ىستەۋدى ماڭىزدى دەپ سانايمىز», دەدى ميشەل ەركىن.
2026 جىلى قايدا بارامىز؟ تۋريزم مينيسترلىگى مادەني-تۋريستىك ءىس-شارالار كۇنتىزبەسىن جاريالادى
سونىمەن قاتار ورتالىقتا 3D-باسىپ شىعارۋ, ديزاين, روبوتوتەحنيكا, باعدارلامالاۋ, عىلىمي تاجىريبەلەر مەن قولدانبالى شىعارماشىلىققا ارنالعان زاماناۋي قۇرالدارمەن جابدىقتالعان Makerspace ايماعى جانە امەريكالىق ادەبيەت بۇرىشى قاراستىرىلعان.
جاڭا ورتالىقتىڭ اشىلۋىنا كىتاپحانا وقىرماندارى, اسىرەسە جاستار جوعارى باعا بەردى. بولاشاقتا اقش-تا ءبىلىم الۋدى ماقسات ەتكەن ارۋجان ماحانبەتقاليەۆا اسەرىن ءبولىستى:
«مەن ءۇشىن بۇل جوبا – ۇلكەن مۇمكىندىك. مۇندا اقش ۋنيۆەرسيتەتتەرىنە تۇسۋگە قاجەتتى اقپارات الىپ, اعىلشىن ءتىلىمدى جەتىلدىرىپ, ءوزىمدى كاسىبي ءارى شىعارماشىلىق تۇرعىدان دامىتۋعا بولادى. وسىنداي كەڭىستىكتىڭ اشىلعانى كوپتەگەن ستۋدەنتتىڭ ارمانىن جۇزەگە اسىرۋعا جول اشادى دەپ ويلايمىن», دەدى جامبىل كىتاپحاناسىنىڭ تۇراقتى وقىرمانى ارۋجان ماحانبەتقاليەۆا.
اتالعان جوبا قالالىق كىتاپحانالاردىڭ ۋاقىت تالابىنا ساي جاڭعىرىپ, كىتاپ وقۋ ورىندارى عانا ەمەس, سونىمەن قاتار ءبىلىم, مادەنيەت, يننوۆاتسيا جانە حالىقارالىق ديالوگتى دامىتاتىن زاماناۋي قوعامدىق كەڭىستىكتەرگە اينالىپ كەلە جاتقانىن ايقىن كورسەتەدى.
ساراندىق وتباسى قالالىق مادەنيەت ءۇيىن بەينەلەيتىن توقاش ءپىسىردى
