فوتو: جوعارعى سوت
سوت انىقتاعانداي, قىلمىس وتباسى مۇشەلەرى قىزدىڭ جەتى جاسقا تولعان تۋعان كۇنىن اتاپ ءوتۋ ءۇشىن جينالعان كەزدە بولعان. تەرگەۋ مالىمەتتەرى بويىنشا, تۋىستارى ەر ادامدى قىلمىس ۇستىندە ۇستاپ, بىردەن قۇقىق قورعاۋ ورگاندارىنا حابارلاعان.
ايتا كەتەيىك, زارداپ شەككەن قىزدىڭ اناسى «نەمولچي» قورىنا 2025 جىلدىڭ 5-نەن 6-ساۋىرىنە قاراعان ءتۇنى, وقيعا بولعان بويدا حابارلاسقان. ول كەزدە اناسى بالاسىن سوت-مەديتسينالىق ساراپتاماعا اپارا جاتقان.
قوردىڭ اقپاراتى بويىنشا, قاريا جاساعان قىلمىسىنىڭ اۋىرلىعىن تولىق سەزىنگەن. تۋىستارى ونى قىلمىس ورنىندا ۇستاپ العاننان كەيىن, ول قاشىپ كەتپەك بولىپ, ءبىر تاۋلىككە جۋىق ۋاقىت بويى ءىزىن جاسىرۋعا تىرىسقان. كەيىنىرەك پوليتسيا قىزمەتكەرلەرى ونى قولعا ءتۇسىردى.
سوت تالقىلاۋى بارىسىندا وقيعانىڭ ءمان-جايىن راستاعان كۋاگەرلەردىڭ ايعاقتارى تىڭدالدى. سونداي-اق سوتتالۋشىنىڭ كىناسى ساراپتامالاردىڭ, سونىڭ ىشىندە گەنەتيكالىق زەرتتەۋلەردىڭ قورىتىندىسىمەن تولىق دالەلدەندى.
جابىرلەنۋشى تاراپتىڭ ادۆوكاتى ازامات ساعال تاعايىندالعان جازانىڭ زاڭدى ءارى نەگىزدى ەكەنىن مالىمدەدى.
«سوتتالۋشىعا 20 جىلعا باس بوستاندىعىنان ايىرۋ جازاسى تاعايىندالدى. جابىرلەنۋشى تاراپ ۇكىممەن تولىق كەلىسەدى جانە ونى زاڭدى دەپ سانايدى. تاراپ ەشقانداي ماتەريالدىق نەمەسە مورالدىق وتەماقى تالاپ ەتكەن جوق», دەدى ادۆوكات.
سوت ۇكىمى زاڭدى كۇشىنە ەنگەن جوق.
