دينارا بەردىمۇراتتىڭ باستاماسىمەن ەلىمىزدە «ەل جاناشىرى», «ۇلت جاناشىرى», «باتىر شاپاعاتى» توسبەلگىلەرى مەن «التىن جۇرەك» قايىرىمدىلىق ىستەرىمەن اينالىساتىن مەتسەنات تۇلعالارعا ارنالعان بىرقاتار قوعامدىق ماراپاتتاۋ شارالارى ۇيىمداستىرىلىپ كەلەدى. بۇل ماراپاتتار تەك اتاق ءۇشىن ەمەس, ەلگە ادال قىزمەت ەتىپ جۇرگەن تۇلعالاردىڭ ەڭبەگىن ءادىل باعالاۋعا, ولاردىڭ قوعام الدىنداعى ءرولىن ايقىنداۋعا باعىتتالعان. 2021- جىلدان بەرى ەلىمىزدىڭ تۇپكىر تۇپكىرىنەن ەلىمىزدىڭ دامۋىنا تالماي قىزمەت ەتىپ, حالىققا جاناشىر بولىپ جۇرگەن جانداردىڭ ەڭبەكتەرىن باقىلاپ, ولاردىڭ ەڭبەكتەرىن ماراپاتتاپ, ەلەگەن دە وسى دينارا بولاتىن.
اتالعان ماراپاتتارعا عىلىم, ءبىلىم, مادەنيەت, مەديتسينا, كاسىپكەرلىك, سپورت جانە الەۋمەتتىك سالادا ەلگە قىزمەت ەتكەن ازاماتتار يە بولىپ ءجۇر. اسىرەسە, ايماقتاردا ءۇنسىز ەڭبەك ەتىپ جۇرگەن جانداردىڭ ەڭبەگىن ەلگە تانىتۋ – دينارا بەردىمۇرات قولعا العان باستامالاردىڭ باستى ەرەكشەلىگى.
ونىڭ تاعى ءبىر اۋقىمدى جوباسى – «300 قايراتكەر» ەنتسيكلوپەدياسىنىڭ جارىق كورۋى. بۇل ەڭبەك تاۋەلسىز قازاقستاننىڭ دامۋىنا ءار سالادا ۇلەس قوسقان تۇلعالاردىڭ ءومىر جولى مەن قىزمەتىن جۇيەلەپ, ءبىر جيناققا توپتاستىرعان ماڭىزدى باسىلىم سانالادى. ەنتسيكلوپەديا – كەيىنگى ۇرپاققا ۇلگى, تاريحي جادىنى جاڭعىرتاتىن قۇندى دەرەككوز. ءوزىنىڭ دە ەڭبەگى ەلەنىپ وسى ەڭبەكتەرى ءۇشىن پرەزيدەنتتىڭ العىس حاتى مەن توسبەلگىسىن يەلەندى.
دينارا بەردىمۇرات ءۇشىن ماراپاتتاۋ – تەك سالتاناتتى ءراسىم ەمەس, ول – قوعامداعى ادىلدىكتى قالىپتاستىرۋ, ەڭبەكتى قادىرلەۋ مادەنيەتىن دامىتۋ قۇرالى. ونىڭ جوبالارى حالىقتىڭ ىنتىماعىن ارتتىرىپ, ەلگە قىزمەت ەتۋدىڭ ابىروي ەكەنىن ۇعىندىرادى. جاقىندا قازاقستان تۋرالى ۇلكەن تاعى ءبىر ەنتسيكلوپەدياسىن اياقتادى. ەل ىشىندەگى ەلەۋسىز تۇلعالاردىڭ ەڭبەگىن جارقىراتىپ كورسەتىپ, ودان قالدى ەنتسيكلوپەديا بەتىنە تاقتاپ جيناپ جۇرگەن دينارا قوعامنىڭ وسىنداي تۇلعالارىن پاش ەتۋدى وزىنە پارىز ساناپ العانداي. قازاق, ورىس, تۇرىك جانە اعىلشىن تىلدەرىندە ەركىن سويلەيتىن ول بۇگىندە كەيبىر كىتاپتادى اعىلشىن تىلىنە اۋدارۋمەن دە اينالىسىپ ءجۇر. دينارا بەردىمۇراتقىزىنىڭ قازاق تىلىنە دەگەن جاناشىرلىعى ءبىر توبە. قازاق تىلىندە بالالارعا ارنالعان كىتاپ شىعارىپ, قازاق ءتىلدى بالاباقشا اشۋى سونىڭ ايعاعى.
قوعامدا مۇنداي باستامالار كوبەيگەن سايىن, ەلگە شىن جاناشىر ازاماتتاردىڭ ەڭبەگى ەلەۋسىز قالمايدى. وسى تۇرعىدان العاندا, دينارا بەردىمۇراتتىڭ اتقارىپ جۇرگەن ءىسى – بۇگىنگى كۇننىڭ عانا ەمەس, بولاشاقتىڭ دا رۋحاني سۇرانىسىنا جاۋاپ بەرەتىن ماڭىزدى ەڭبەك.
