قمدب تۇسىندىرۋىنشە, فوللوۆەر (follower) – الەۋمەتتىك جەلىدە بەلگىلى ءبىر پاراقشاعا جازىلىپ, جاريالاناتىن جازبالار مەن فوتو-ۆيدەو كونتەنتتى باقىلاپ وتىراتىن قولدانۋشى.
ءپاتۋادا وقىرمان سانىن ارتتىرۋدىڭ ەكى ءتاسىلى كورسەتىلگەن.
ءبىرىنشىسى – شىنايى جازىلۋشىلار ارقىلى كوبەيتۋ. بۇل جاعدايدا قىزمەت كورسەتۋشى تاراپ بەلگىلى ءبىر اككاۋنتتى نەمەسە جازبانى جارنامالاپ, كەڭىنەن تاراتۋ مىندەتىن الادى. قمدب مۇنى قىزمەت كورسەتۋگە جالداۋ كەلىسىمىنە ۇقساس ەكەنىن اتاپ ءوتىپ, شاريعاتقا قايشى كەلمەيتىن جولدارمەن جۇزەگە اسسا, مۇنداي قىزمەتكە اقى تولەۋگە رۇقسات ەتىلەتىنىن جەتكىزدى.
اقتاۋ تۇرعىنى الەۋمەتتىك جەلىدە ەت ساتاتىن جالعان پاراقشا اشىپ, پايدا تاپقان
ەكىنشىسى – جالعان (بوت) اككاۋنتتار ارقىلى ارتتىرۋ. قمدب مۇنداي ارەكەت ناقتى ادامداردىڭ قاتىسۋىنسىز قولدان جاسالاتىندىقتان الدامشىلىققا جاتاتىنىن جانە بۇل ءۇشىن اقى الۋ «كىسى اقىسىن جەۋ» رەتىندە باعالاناتىنىن مالىمدەدى. وسىعان بايلانىستى بوت اككاۋنتتار ارقىلى فوللوۆەر سانىن كوبەيتۋگە دە, وعان اقى تولەۋگە دە تىيىم سالىناتىنى ايتىلدى.
عۇلامالار كەڭەسى تاپسىرىس بەرۋشى بۇل ارەكەتتى بىلە تۇرا جاساتسا, كۇنانىڭ اۋىرلىعى ارتا تۇسەتىنىن دە ەسكەرتتى.
الەۋمەتتىك جەلىدە ەڭ بەلسەندى سپورتشى كىم؟
شەشىمگە سايكەس:
– وقىرمان سانىن شىنايى قولدانۋشىلار ارقىلى, شاريعاتقا قايشى كەلمەيتىن تاسىلدەرمەن ارتتىرۋعا بولادى
– وقىرمان سانىن جالعان, بوت اككاۋنتتار ارقىلى كوبەيتۋگە جانە وعان اقى تولەۋگە تىيىم سالىنادى.
ايتا كەتەيىك, ۇلتتىق ۇلاننىڭ اسكەري قىزمەتشىسى انىمەن الەۋمەتتىك جەلىنى ءتانتى ەتتى.
