قارجى نارىعىن رەتتەۋ جانە دامىتۋ اگەنتتىگى «قارجىلىق ورنىقتىلىقتى قامتاماسىز ەتۋ جانە ساۋىقتىرۋ ءۇشىن مەملەكەتتىك بيۋدجەتتىڭ, قازاقستان رەسپۋبليكاسى ۇلتتىق قورىنىڭ, ۇلتتىق بانكتىڭ جانە ونىڭ ەنشىلەس ۇيىمدارىنىڭ قاراجاتى پايدالانىلاتىن ەكىنشى دەڭگەيدەگى بانكتىڭ پايدانى ءبولۋ, جاي جانە ارتىقشىلىقتى اكتسيالار بويىنشا ديۆيدەندتەر ەسەپتەۋ, ءوز اكتسيالارىن كەرى ساتىپ الۋدى جۇرگىزۋ, سونداي-اق ەكىنشى دەڭگەيدەگى بانكتىڭ ءىرى قاتىسۋشىسىنىڭ, بانك حولدينگىنىڭ ەكىنشى دەڭگەيدەگى بانكتىڭ اكتسيالارىن تىكەلەي جانە جاناما يەلەنۋ جانە پايدالانۋ جانە ولارعا بيلىك ەتۋ ۇلەسىن ازايتۋ شارتتارىن بەكىتۋ تۋرالى» اگەنتتىك باسقارماسىنىڭ قاۋلىسىن ازىرلەدى.
قاۋلىنىڭ جوباسى «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ جاڭا رەداكتسياسىنىڭ 6-بابىنىڭ 3-تارماعىن ورىنداۋ ءۇشىن ازىرلەندى جانە تەڭگەرىمىندە مەملەكەتتىك قولداۋ قاراجاتى بار ەكىنشى دەڭگەيدەگى بانكتەرگە قولدانىلادى.
قاۋلىنىڭ جوباسى بانكتەردى مەملەكەتتىك قولداۋ قاراجاتىن قايتارۋ جونىندەگى مىندەتتەمەلەردى مەرزىمىنەن بۇرىن ورىنداۋعا ىنتالاندىرۋعا باعىتتالعان جانە ەكىنشى دەڭگەيدەگى بانكتەردىڭ پايدانى ءبولۋ, جاي جانە ارتىقشىلىقتى اكتسيالار بويىنشا ديۆيدەندتەر ەسەپتەۋ, ءوز اكتسيالارىن كەرى ساتىپ الۋدى جۇرگىزۋ شارتتارىن, سونداي-اق ءىرى قاتىسۋشىلار مەن بانك حولدينگتەرى تاراپىنان بانكتىڭ اكتسيالارىن تىكەلەي جانە جاناما يەلەنۋ ۇلەسىن ازايتۋ شارتتارىن بەلگىلەيدى.
