فوتو: Virginia Mayo
مالىمدەمەدە وداقتىڭ ۇستانىمى ايقىن كورسەتىلگەن. ول نيكولاس مادۋرونى دەموكراتيالىق جولمەن سايلانعان زاڭدى پرەزيدەنت دەپ مويىندامايدى. سونىمەن قاتار بريۋسسەل ۆەنەسۋەلادا دەموكراتياعا كوشۋ پروتسەسى بەيبىت سيپاتتا ءوتۋى جانە ونى ۆەنەسۋەلالىقتاردىڭ ءوزى جۇزەگە اسىرۋى قاجەت دەپ ەسەپتەيدى. بۇل رەتتە ەلدىڭ ەگەمەندىگى مەن تاۋەلسىزدىگى تولىق ساقتالۋى ءتيىس ەكەنى اتاپ وتىلگەن.
كايا كاللاستىڭ ايتۋىنشا, قازىرگى داعدارىستان شىعۋدىڭ جالعىز جولى – ۆەنەسۋەلا حالقىنىڭ ەرىك-جىگەرىن قۇرمەتتەۋ. ول حالىقارالىق قۇقىق قاعيداتتارى كەز كەلگەن جاعدايدا ساقتالۋى قاجەت ەكەنىن ايتىپ, بۇل ماسەلەدە اقش-تىڭ ەرەكشە جاۋاپكەرشىلىگى بارىن ەسكە سالدى. سەبەبى ۆاشينگتون بۇۇ قاۋىپسىزدىك كەڭەسىءنىڭ تۇراقتى مۇشەسى سانالادى.
ەو قۇجاتىندا ترانسۇلتتىق ۇيىمداسقان قىلمىسقا جانە ەسىرتكى ترافيگىنە قارسى كۇرەستىڭ ماڭىزدىلىعى دا ءسوز بولادى. الايدا مۇنداي ارەكەتتەر تەك ۆەنەسۋەلانىڭ اۋماقتىق تۇتاستىعى مەن ەگەمەندىگى تولىق ساقتالعان جاعدايدا عانا جۇرگىزىلۋى ءتيىس دەپ كورسەتىلگەن.
ەسكە سالا كەتەيىك, بۇعان دەيىن اقش-تىڭ بۇرىنعى پرەزيدەنتى دونالد ترامپ ۆەنەسۋەلانىڭ ۋاقىتشا پرەزيدەنتى دەپ اتالعان دەلسي رودريگەسكە قاتىستى مالىمدەمە جاساپ, ۆاشينگتون تالاپتارى ورىندالماسا, سالدارى بولاتىنىن ايتقان ەدى. ونىڭ سوزىنشە, اقش ۆەنەسۋەلا بيلىگىنىڭ ىنتىماقتاستىقتان باس تارتۋىنا شىدامايدى.
بۇۇ قاۋىپسىزدىك كەڭەسى ۆەنەسۋەلاداعى جاعدايعا بايلانىستى شۇعىل وتىرىس وتكىزەدى
