جەر استى دۇمپۋلەرىنىڭ ەپيتسەنترى گەررەرو شتاتىنداعى سان-ماركوس ەلدى مەكەنى ماڭىندا ورنالاسقان. سەيسميكالىق تولقىندار ەلدىڭ ورتالىق جانە وڭتۇستىك وڭىرلەرىندە سەزىلگەن.
قازا تاپقانداردىڭ ءبىرى ەۆاكۋاتسيا كەزىندە ءوزىن جايسىز سەزىنىپ, قۇلاپ كەتكەن 60 جاستاعى ەر ادام. ال ەپيتسەنترگە جاقىن تۇراتىن 50 جاستاعى ايەل ءوز ءۇيىنىڭ قيراندىلارى استىندا قالعان. سونىمەن قاتار گەررەرو شتاتىنىڭ استاناسى چيلپانسينگوداعى اۋرۋحانا عيماراتىنا زاقىم كەلىپ, بىرقاتار ناۋقاس قاۋىپسىز جەرگە كوشىرىلدى.
جەر سىلكىنىسى ەپيتسەنتردەن شامامەن 400 شاقىرىم قاشىقتىقتا ورنالاسقان ەل استاناسى مەحيكو قالاسىندا دا سەزىلدى. وسى ساتتە مەكسيكا پرەزيدەنتى كلاۋديا شەينباۋم ءباسپاسوز ءماسليحاتىن ۋاقىتشا توقتاتىپ, پرەزيدەنت سارايىنان ەۆاكۋاتسيالانۋعا ءماجبۇر بولعان. كەيىنىرەك ءباسپاسوز كونفەرەنتسياسى قايتا جالعاسقان.
