فوتو: قورعانىس مينيسترلىگى
«تازى يت كوشپەلىلەردىڭ ۇيلەسىمدى ءومىرىن بەينەلەيتىن «جەتى قازىنا» قاتارىنا كىرەدى. ايقاس مەنىمەن بىرگە 5 جىل قىزمەت ەتىپ كەلەدى. ءبىز ءۇشىن ماڭىزدى جەتىستىك – اقمولا وبلىسىندا وتكەن «التىن قازىنا» رەسپۋبليكالىق تازى جارىسىندا جەڭىسكە جەتۋىمىز جانە اقتوبە وبلىسىنداعى «سالبۋرىن» دالالىق سىناعىندا جۇلدەلى ورىن الۋىمىز», دەدى مايور ن.جامانعارين.
تازى دا ناعىز سارباز
5 جىل ىشىندە ايقاس بولىمشەنىڭ كۇندەلىكتى ومىرىنە تولىقتاي بەيىمدەلدى. ونىڭ كۇن ءتارتىبى ناعىز ساربازدىكىندەي ەكەن. تاڭەرتەڭ تۇرۋ, اس ءىشۋ جانە وقۋ-جاتتىعۋلار ول ءۇشىن قالىپتى جاعداي.
رامىزدەرگە قۇرمەت بىلدىرەدى
اسكەري تارتىپكە ۇيرەنگەن «تازى جاۋىنگەر» ساپتىق جيىندارعا دا قاتىسادى. ول پلاتسقا ءبىرىنشى بولىپ كەلىپ, كومانديردىڭ بۇيرىعىمەن تۋ تۇعىرىنىڭ جانىندا وتىرادى. سالتاناتتى راسىمدەردە ايقاس ەل رامىزدەرىنە قۇرمەت ءبىلدىرىپ, مەملەكەتتىك ءانۇراننىڭ اۋەنىنە وزىنشە ءۇن قوسادى.
ەڭ جاقسى قاسيەتتەرىن ايقىن كورسەتكەن
قىزمەت بارىسىندا ايقاس تازى تۇقىمىنىڭ ەڭ جاقسى قاسيەتتەرىن ايقىن كورسەتتى. ول شاپشاڭ, ءتوزىمدى ءارى تەز ۇيرەنگىش. ساربازدارمەن بىرگە اۋە كەڭىستىگىن قورعاۋ مىندەتىن اتقاراتىن اسكەري ءبولىم اۋماعىن پاترۋلدەۋگە شىعادى. قىراعىلىعى مەن سەزىمتال ەستۋ قابىلەتى وعان كۇزەت مىندەتتەرىن ءتيىمدى ورىنداۋعا مۇمكىندىك بەرەدى.
