فوتو: ءىىم
تەرگەۋ مالىمەتىنشە, كۇدىكتى ءوزىن قاراپايىم ساتىپ الۋشى رەتىندە كورسەتىپ, ساۋدا ورتالىقتارىنىڭ بىرىندەگى دۇكەننەن پارفيۋمەريا ونىمدەرىن ۇرلاعان. ول سورەلەردەن ەكى-ەكىدەن ءيىسسۋ فلاكوندارىن الىپ, قالتالارىنا جاسىرىپ, تاۋارلارعا ەركىن قولجەتىمدىلىكتى پايدالانا وتىرىپ, دۇكەننەن ەش كەدەرگىسىز شىعىپ كەتكەن.
كەلتىرىلگەن ماتەريالدىق شىعىننىڭ جالپى سوماسى شامامەن 300 مىڭ تەڭگەنى قۇراعان. كەيىن ۇرلانعان تاۋارلاردى كۇدىكتى ساتىپ جىبەرگەنى انىقتالدى.
پوليتسيانىڭ حابارلاۋىنشا, كۇدىكتىنىڭ جەكە باسى بەينەباقىلاۋ كامەرالارىنىڭ كومەگىمەن انىقتالىپ, سول اۋدان اۋماعىندا ۇستالعان. سونىمەن قاتار اتالعان ازاماتتىڭ تاعى ءۇش ۇقساس ۇرلىق دەرەگىنە قاتىسى بولۋى مۇمكىن ەكەنى تىركەلگەن. اتالعان ەپيزودتار بويىنشا تەكسەرۋ جۇرگىزىلىپ, ءتيىستى تەرگەۋ امالدارى اتقارىلىپ جاتىر.
