فوتو: istockphoto.com
وقيعا جەكە ءۇيدىڭ اۋلاسىندا بولعان. وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ مالىمدەۋىنشە, جاسوسپىرىمدەر پيروتەحنيكانى ەرەسەكتەردىڭ قاراۋىنسىز پايدالانعان.
«زارداپ شەككەن بالالاردىڭ جاعدايى تۇراقتى, ومىرىنە قاۋىپ ءتونىپ تۇرعان جوق. ولار اۋرۋحاناعا جاتقىزىلدى», دەلىنگەن حابارلامادا.
بۇل جاعدايعا بايلانىستى كوميتەت ەلىمىزدەگى بارلىق ءبىلىم بەرۋ ۇيىمدارىنا مەرەكە قارساڭىندا قاۋىپسىزدىك شارالارىن كۇشەيتۋ جانە الدىن الۋ جۇمىستارىن جۇرگىزۋ تۋرالى رەسمي حات جولدادى. ماماندار بۇل شارالاردىڭ تيىمدىلىگى اتا-انالاردىڭ جاۋاپكەرشىلىگىنە تىكەلەي بايلانىستى ەكەنىن اتاپ ءوتتى.
ەلدى مەكەندەردە پيروتەحنيكا قولدانۋعا تىيىم سالىنعانىن ەستە ساقتاعان ءجون. ەگەر بۇل ەرەجەنى 16 جاسقا تولماعان بالا بۇزسا, ونىڭ اتا-اناسىنا 20 اەك (78 مىڭ تەڭگەدەن استام) مولشەرىندە ايىپپۇل سالىنىپ, پيروتەحنيكالىق بۇيىمدار تاركىلەنەدى.
وقۋ-اعارتۋ مينيسترلىگى قاۋىپسىزدىك ەرەجەلەرىن تاعى دا ەسكە سالادى:
- 18 جاسقا تولماعاندارعا پيروتەحنيكا ساتۋعا قاتاڭ تىيىم سالىنادى;
- بالالارعا فەيەرۆەركتەردى ءوز بەتىنشە قولدانۋعا بولمايدى, بۇل تەك ەرەسەكتەردىڭ باقىلاۋىمەن جانە قاۋىپسىز قاشىقتىقتا ورىندالۋى ءتيىس;
- پيروتەحنيكانى ءۇي ىشىندە, بالكوندا جانە تۇرعىن ۇيلەردىڭ جانىندا قولدانۋعا رۇقسات ەتىلمەيدى.
