وتىرىسقا ۇلتتىق بانك توراعاسى تيمۋر سۇلەيمەنوۆ, پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين, پرەمەر-ءمينيستردىڭ ورىنباسارى قانات بوزىمباەۆ, پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ, پرەزيدەنت اكىمشىلىگى باسشىسىنىڭ ورىنباسارى ەربولات دوساەۆ, قارجى, ونەركاسىپ جانە قۇرىلىس مينيسترلىكتەرىنىڭ, قارجى نارىعىن رەتتەۋ جانە دامىتۋ, ستراتەگيالىق جوسپارلاۋ جانە رەفورمالار اگەنتتىكتەرىنىڭ باسشىلىعى مەن تاعى باسقالار قاتىستى.
بيىلعى 11 ايدىڭ قورىتىندىسى بويىنشا ەل ەكونوميكاسىنىڭ ءوسۋى 6,4%-دى قۇرادى. ماكروەكونوميكالىق تۇراقتىلىقتى قامتاماسىز ەتۋ مەن حالىقتىڭ تابىسىن ارتتىرۋ ماقساتىندا پرەزيدەنت تاپسىرماسىنا وراي ازىرلەنگەن ۇكىمەتتىڭ, ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگىنىڭ 2026–2028 جىلدارعا ارنالعان حالىقتىڭ ءال-اۋقاتىن تۇراقتاندىرۋ مەن ارتتىرۋ جونىندەگى بىرلەسكەن ءىس-قيمىل باعدارلاماسى جۇزەگە اسىرىلىپ جاتىر. جۇرگىزىلىپ وتىرعان بيۋدجەتتىك-سالىقتىق رەفورمالار فيسكالدىق ساياساتتى جاڭعىرتۋعا ءارى بيزنەس ءۇشىن اكىمشىلىك كەدەرگىلەردى كەشەندى تۇردە تومەندەتۋگە باعىتتالعان.
سونداي-اق جيىندا كەلەسى جىلدىڭ نەگىزگى سىرتقى جانە ىشكى سىن-قاتەرلەرى قارالدى, جاھاندىق ەكونوميكاداعى ءوسىمنىڭ باياۋلاۋى تۋرالى بولجامدار بار ترەندتەر ۇسىنىلدى.
كەڭەس مۇشەلەرى ەكونوميكانىڭ تۇراقتى ءوسۋىن قامتاماسىز ەتۋ, ءونىمدى جۇمىس ورىندارىن قۇرۋ مەن مەدياندىق جالاقى مولشەرىن ارتتىرۋ بويىنشا الداعى شارالاردى تالقىلادى. نارىقتى وتاندىق تاۋارلارمەن تولىقتىرۋعا باعىتتالعان يمپورتتى الماستىرۋعا قاتىستى جۇرگىزىلىپ جاتقان جۇمىستار, ونىڭ ىشىندە «ينۆەستيتسياعا تاپسىرىس» باعدارلاماسى حالىقتىڭ تابىسىن قولداۋعا ىقپال ەتپەكشى.
وتاندىق ونىمدەردىڭ ساپاسىن جاقسارتۋ مەن زاماناۋي تەحنولوگيالاردى ەنگىزۋ ارقىلى باسەكەگە قابىلەتتىلىگىن ارتتىرۋدىڭ ماڭىزدىلىعى اتاپ ءوتىلدى. بۇگىندە ەلىمىزدىڭ ەكونوميكاسى الەمدىك نارىقتارعا دايىن ءونىم ەكسپورتىن ۇلعايتا وتىرىپ, شيكىزات ەكسپورتىنان جوسپارلى تۇردە باس تارتىپ جاتىر, بۇل ءوز كەزەگىندە ارتاراپتاندىرىلعان قۇرىلىمنىڭ قالىپتاسقانىن ايعاقتايدى.
بۇعان قوسا ينفراقۇرىلىمدىق جوبالاردى جۇزەگە اسىرۋداعى جەكە ينۆەستيتسيالاردىڭ ۇلەسىن ارتتىرۋعا نازار اۋدارىلدى. ەكونوميكانىڭ ناقتى سەكتورىن قارجىلاندىرۋداعى ەكىنشى دەڭگەيلى بانكتەردىڭ ءرولىن ارتتىرۋ مەن شەتەلدىك ينۆەستيتسيالاردى مۋلتيپليكاتيۆتىك اسەرى بار ءىرى جوبالارعا باعدارلاۋ قاجەتتىگى ايتىلدى.
پرەمەر-مينيستر ينفلياتسيا دەڭگەيىن تومەندەتۋ مىندەتىنە باسىمدىق بەرىلەتىنىن اتاپ ءوتتى. بۇل جەردە ماسەلە ازىق-ت ۇلىك پەن ازىق-ت ۇلىك ەمەس تاۋارلاردىڭ, قىزمەتتەر باعاسىنىڭ تۇراقتى تومەندەۋى تۋرالى بولىپ وتىر.
«كۇردەلى سىرتقى كونيۋنكتۋراعا قاراماستان, ەلىمىزدىڭ ەكونوميكاسى دامۋ ۇستىندە. قۇرىلىمدارى بويىنشا قاراساق, وڭدەۋ, قۇرىلىس, ساۋدا مەن كولىك سالاسى ءوسۋ ۇدەرىسىندە. ياعني ءوسىم تەڭ جاعدايدا ءجۇرىپ جاتىر. ءبىز ينفلياتسيا بويىنشا تومەندەۋ ءۇردىسىن كورىپ وتىرمىز. باعىتىمىز – ينفلياتسيانى تومەندەتۋ بويىنشا الدىمىزعا قويىلعان مىندەتتەردى ساپالى ورىنداۋ», دەدى ولجاس بەكتەنوۆ.
وتىرىس قورىتىندىسىندا ۇلتتىق ەكونوميكا مينيسترلىگىنە ۇلتتىق بانكپەن, ستراتەگيالىق جوسپارلاۋ جانە رەفورمالار, قارجى نارىعىن رەتتەۋ جانە دامىتۋ اگەنتتىكتەرىمەن بىرلەسىپ, ەكونوميكالىق احۋالعا مونيتورينگ جۇرگىزۋ مەن ىقتيمال تاۋەكەلدەردىڭ الدىن الۋ جونىندە كەلىسىلگەن ءىس-قيمىلداردى جەدەل جۇزەگە اسىرۋ تاپسىرىلدى.
