فوتو: اقوردا
قازاقستان پرەزيدەنتى ازەربايجاننىڭ ەگەمەندىگى مەن مەملەكەتتىلىگىن نىعايتۋدا, سونداي-اق تۇراقتى ەكونوميكالىق ءوسىمدى قامتاماسىز ەتىپ, ەلىنىڭ حالىقارالىق ارەناداعى بەدەلىن ارتتىرۋدا يلحام اليەۆتىڭ ايرىقشا ءرول اتقاراتىنىنا توقتالدى.
مەملەكەتتەر باسشىلارى قازاق-ازەربايجان قاتىناستارى قارقىندى دامىپ كەلە جاتقانىن اتاپ ءوتتى. ستراتەگيالىق سەرىكتەستىك پەن وداقتاستىق بايلانىستاردى ودان ءارى نىعايتۋ, ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىقتى كۇشەيتۋ پەرسپەكتيۆاسىن تالقىلادى.
اڭگىمەلەسۋ بارىسىندا جوعارى دەڭگەيدە, سونىڭ ىشىندە يلحام اليەۆتىڭ بيىل 20-21 قازان كۇندەرى قازاقستانعا جاساعان مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ساپالى جۇزەگە اسىرۋعا ەرەكشە نازار اۋدارىلدى.
سونىمەن قاتار پرەزيدەنتتەر وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
قاسىم-جومارت توقاەۆ اقش پرەزيدەنتى دونالد ترامپپەن تەلەفون ارقىلى مازمۇندى اڭگىمە ءوربىتتى
