فوتو: اشىق دەرەككوز
كاسىبي كەمەلدىك پەن نارىق زاڭى
فۋتبولداعى ستاتيستيكا – جاي عانا قۇرعاق ساندار ەمەس, ول ويىنشىنىڭ كاسىبي بولمىسىن ايقىندايتىن باستى ينديكاتور. دەسە دە, ستاتيستيكالىق رەيتينگتىڭ جوعارى بولۋى بىردەن ەۋروپانىڭ توپ-كلۋبتارىنا داڭعىل جول اشادى دەۋ اسىعىستىق. بۇل رەتتە فۋتبول ساراپشىسى ءالىمجان اسقاردىڭ پايىمى ناقتىلىق پەن كاسىبي ساقتىققا نەگىزدەلگەن:
«تەمىرلان اناربەكوۆتىڭ ەۋروپانىڭ كلۋبتارىندا ونەر كورسەتەتىنىنە كامىل سەنەمىن. ءتىپتى توپ-5 چەمپيوناتتاردا دا ويناۋ الۋعا قاۋقارى جەتەدى دەگەن ويىم بار. بىراق ءدال قازىر اناربەكوۆكە «ينتەر» سياقتى نەمەسە باسقا دا چەمپيوندار ليگاسىنىڭ الپاۋىتتارى نازار اۋدارىپ جاتىر دەپ ويلامايمىن. ءبىر ماۋسىمدى تەمىرلان اناربەكوۆ وتە ءساتتى وتكىزىپ جاتىر, بىراق قازىردىڭ وزىندە ونى ەۋروپانىڭ توپ-كلۋبتارى ج ۇلىپ اكەتۋگە دايىن دەپ ايتۋعا ەرتە دەپ ويلايمىن. بىراق بولاشاقتا بۇيىرسا تەمىرلان اناربەكوۆ سول اعىلشىن پرەمەر ليگاسىندا ويناپ, ءوزىنىڭ ارمانىنا قول جەتكىزەدى دەگەن سەنىمدەمىن. وسىنداي دەڭگەيدە «قايراتتا» 2-3 جىل ونەر كورسەتسە, ودان كەيىن باسقا كومانداعا اۋىسۋعا بولادى دەپ ايتا الامىز. ازىرگە اناربەكوۆ «قايراتتا» قالادى دەپ ويلايمىن», دەدى ول.
شىندىعىندا, چەمپيوندار ليگاسىنىڭ كەلەر ماۋسىمى جاس قاقپاشى ءۇشىن شەبەرلىكتى شىڭدايتىن باستى پوليگون بولماق. ءالىمجان اسقاردىڭ پىكىرىنشە, «قايراتتىڭ» چەمپيوندىق اتاعىن قورعاپ قالۋى – تەمىرلانعا دەگەن ۇلكەن جاۋاپكەرشىلىك.
ء«يا, «قايرات» كەلەر ماۋسىمدا دا ۋەفا چەمپيوندار ليگاسىندا ونەر كورسەتەدى. بيىل ولار چەمپيون اتاعىن قورعاپ قالا الدى. سوندىقتان «قايرات» فۋتبول كلۋبى تەمىرلان اناربەكوۆكە زور سەنىم ارتادى دەگەن ويدامىن. جاقىن ۋاقىتتا ونىڭ ەۋروپاعا كوشۋىن كورىپ تۇرعان جوقپىن», دەيدى ءالىمجان اسقار.
ترانسفەرلىك ستراتەگيا: «ترامپلين» بە, الدە تاۋەكەل مە؟
ترانسفەر نارىعىنىڭ وزىندىك جازىلماعان زاڭدارى بار. مۇندا تەك ويىنشىنىڭ تالانتى عانا ەمەس, كلۋبتىڭ ەكونوميكالىق مۇددەسى مەن ستراتەگيالىق جوسپارى قاتار جۇرەدى. تانىمال سپورت كوممەنتاتورى ەرمۇحامەد ماۋلەن اناربەكوۆتىڭ يتاليا چەمپيوناتىنا اۋىسۋى ىقتيمال ەكەنىن ايتادى.
«تەمىرلان «ينتەرگە» قارسى ماتچتا جاقسى تۇردى. نەگىزى يتاليا چەمپيوناتىنا اۋىسۋى ابدەن ىقتيمال. يتاليادا كوماندالار قورعانىس ارقىلى وينايدى. كەز كەلگەن كلۋبقا ويناۋعا دايىن ەكەنىن ناقتى ءبىر ماۋسىمدا وتكەن 4-5 ماتچقا قاراپ ولاي ايتا المايمىز. ارينە اعىلشىن پرەمەر ليگاسى دەپ وتىر ءوزى. بىراق ەۋروپانىڭ توپ چەمپيوناتتارىنىڭ ورتاڭقول كوماندالارىنا اۋىسۋى مۇمكىن. البەتتە «قايرات» كومانداسى كەلەسى جىلى چەمپيوندار ليگاسىندا وينايدى. الەكساندر زارۋتسكي وزگە كومانداعا اۋىستى, «قايراتتىڭ» نەگىزگى قاقپاشىسى قازىر تەمىرلان بولادى, شەرحان قالمۇرزا ەكىنشى قاقپاشى جانە ءۇشىنشى قاقپاشى «قايرات» جاستار كومانداسىنان الىنادى. ەۋروپاعا كەتۋىن شەگەرۋى دە مۇمكىن. ەندى «قايرات» دەگەن كاسىپقوي جەكە كاسىپكەردىڭ كومانداسى, سوندىقتان جاقسى ءبىر 2-3 ملن ەۋرو ۇسىناتىن بولسا ءبىر كوماندالارعا نەگىزى ساتۋعا دا بولادى. «قايرات» كومانداسى ساتا سالۋى مۇمكىن جانە ورنىنا باسقا قاقپاشى الا سالادى عوي. قازاقستاندا قازىر مىقتى تۇرىپ جۇرگەن قاقپاشىلار كوپ قوي», دەيدى ول.
ەرمۇحامەد ماۋلەننىڭ پايىمىنشا, بىردەن الپاۋىت كلۋبتىڭ قوسالقى قۇرامىندا قالىپ قويماي, پورتۋگاليا نەمەسە نيدەرلاندى سەكىلدى «بەيىمدەلۋ ليگالارى» ارقىلى ءوسۋ – تەمىرلان ءۇشىن ەڭ ۇتىمدى جول.
«توپ-5 چەمپيوناتتان دا بولەك مىقتى كوماندالار بار. ۇنەمى چەمپيوندار ليگاسىندا وينايتىن, ۇنەمى ەۋروكۋبوكتا وينايتىن مىسالعا «سلاۆيا پراگا», «ۆيكتوريا پلزەن», «اياكس», «فەيەنوورد», پسۆ نەمەسە فرانتسيانىڭ كەيبىر كوماندالارى. ەۋروپاداعى مىقتى قاقپاشىلاردىڭ كوبىسى پورتۋگاليا چەمپيوناتىنا شىعادى. ونى دا ۇمىتپاعان ءجون. مىسالى «سپورتينگ», «بەنفيكا», «پورتۋ», «براگا», «ەشترەلا امادورا» دەگەن سياقتى كوماندالار بار. سول ليگالاردىڭ بىرىنە اۋىسىپ بىرتىندەپ كوتەرۋگە بولادى. ەۋروپالىق مەنتاليتەتتى, فۋتبولدى ىشكى جاعدايىنا كىرۋ ءۇشىن ءبىرىنشى وسىنداي ليگالاردان بارىپ وسكەن دۇرىس. بىردەن «ليۆەرپۋلگە» اۋىسىپ نەمەسە «ينتەرگە» اۋىسىپ كەتىپ يان زوممەردىڭ ماڭگى باقي قوسالقى قۇرامىندا وتىرعاننان پايدا جوق», دەدى ەرمۇحامەد ماۋلەن.
تەمىرلان اناربەكوۆ سەڭدى بۇزا الا ما؟
ساراپشىلاردىڭ پىكىرىنشە, تەمىرلان اناربەكوۆتىڭ ەۋروپاعا اتتانۋى – تەك جەكە مانساپتىڭ تابىسى ەمەس, بۇل – بۇكىل وتاندىق فۋتبول مەكتەبىنىڭ ابىرويى مەن بولاشاعىنا سالىنعان ينۆەستيتسيا. بۇل رەتتە ءالىمجان اسقار قازاق بالاسىنىڭ ەڭ بيىك شىڭنان كورىنۋىن ۇلتتىق ماقتانىشقا بالايدى.
«تەمىرلان اناربەكوۆ بىردەن سول توپ-5 چەمپيونات ليگاسىنا اۋىسىپ, دايىن بارسا دەگەن تىلەگىم بار. وعان اعىلشىن پرەمەر ليگاسىندا ويناۋ جاراسادى دەگەن سەنىمدەمىن. ەگەر «چەلسيگە» اۋىسىپ جاتسا, شابۋىل شەبىندە داستان ساتپاەۆ, قاقپانى تەمىرلان اناربەكوۆ قورعاپ جاتسا – بۇدان اسقان ءبىز ءۇشىن باقىت بولار ما, شىركىن! كەز كەلگەن فۋتبولشىنىڭ جەكە جەتىستىگى ءتۇبى سول قازاقستانداعى فۋتبولدىڭ دامۋىنا جەتەلەيدى. سوندىقتان بۇگىن اناربەكوۆ ەۋروپاعا كەتسە, ەرتەڭ باسقا فۋتبولشىلار ءىزىن جالعاسا, ءسويتىپ ۇلتتىق قۇرامامىزدىڭ 5-6 ويىنشىسى ەۋروپانىڭ بەلدى كلۋبتارىندا ونەر كورسەتكەندە ء– تۇبى سول ەۋروپا چەمپيوناتىنا الىپ شىعادى. ناتيجەسىندە قازاق فۋتبولى وراسان زور دامىپ كەتە الادى. تەمىرلاننىڭ ىشكى مىنەزى جانە شەبەرلىگى كەز كەلگەن باسەكەگە توتەپ بەرۋگە دايىن دەپ ويلايمىن», دەدى ءالىمجان اسقار.
بۇل ويدى ەرمۇحامەد ماۋلەن دە جالعاي وتىرىپ, اناربەكوۆتىڭ كاسىبي دايارلىعى وتاندىق اكادەميالاردىڭ ساپاسىن كورسەتەتىنىن العا تارتادى.
«قازىر قاقپاشىلاردىڭ شەتەلگە شىعۋى ەندى-ەندى باستالىپ جاتىر. ءيا, اناربەكوۆ توپ كوماندالاعا اۋىسىپ بۇل سەڭدى بۇزادى دەپ ويلايمىن. ايتپەسە تەمىرلان اناربەكوۆتەن كەم ەمەس قازاقستاندا قاقپاشىلار بولعان راسىن ايتقاندا. تەمىرلاننىڭ مىنەزى دە بار, ىشكى دايىندىعى دا جامان ەمەس. «قايرات» دەگەن بۇل ەۋروپالىق «لەيپتسيگ» اكادەمياسىنىڭ ستيلىندە دايىندالعان بالالار عوي. دايىندىعى كەلىپ تۇر, ەشقانداي قينالماستان پورتۋگاليا چەمپيوناتىنا اۋىسسا, نەگىزگى قۇرام قاقپاشىسىنا اينالىپ كەتۋى مۇمكىن», دەدى ەرمۇحامەد ماۋلەن.
ساراپشىلاردىڭ پايىمىنا سۇيەنسەك, جاس تالانتتىڭ الدىنداعى تاڭداۋ تەك سپورتتىق ەمەس, ۇلتتىق برەندتى قالىپتاستىرۋدىڭ جاۋاپتى كەزەڭى. ەۋروپانىڭ جاسىل الاڭىندا قازاق قاقپاشىسىنىڭ سەنىمدى ويىنىن كورۋ — تەك ۋاقىتتىڭ ەنشىسىندەگى دۇنيە. ال سول ۋاقىتتىڭ اۋقىمى اناربەكوۆتىڭ بۇگىنگى باتىل قادامىنا تىكەلەي بايلانىستى بولىپ قالماق.
«قايرات» قاقپاشىسى تەمىرلان اناربەكوۆ UEFA رەيتينگىندە كوش باستادى
