وڭىردە 2025-2029 جىلدارى جالپى قۇنى 198 ملرد تەڭگە بولاتىن 17 تۋريستىك ينۆەستيتسيالىق جوبالاردى ىسكە اسىرۋ جوسپارلانعان. ناتيجەسىندە 800-دەن استام جاڭا جۇمىس ورنى اشىلادى. سونىمەن قاتار بيىل «Omir apartments» اپارتامەنتتەرى – 2 كەزەڭ, «Wyndham Garden Aktau» جانە «Shahristan» قوناق ءۇي كەشەندەرى, دوستار قوناق ءۇيىن قايتا قۇرىلىمداۋ سىندى 4 جوبا پايدالانۋعا بەرىلدى. بۇدان بولەك تەرمالدى سۋلارى بار ساناتوري-كۋرورتتىق كەشەنى سالىنىپ جاتىر جانە بالالار دەمالىسىن دامىتۋ ماقساتىندا كاسپي جاعالاۋىندا كوپفۋنكتسيونالدى «Aqqu Resort&Camp» ورتالىعى اشىلدى. سونداي-اق بوزجىرا شاتقالىندا ساپار ورتالىعىنىڭ قۇرىلىسى اياقتالىپ, الداعى تۋريستىك ماۋسىمدا ىسكە قوسىلادى.
«وڭىردە ءتۋريزمدى دامىتۋ بويىنشا كەشەندى جوسپار جۇزەگە اسۋدا. ماڭعىستاۋ, شەتپە جانە بەينەۋ تەمىرجول ۆوكزالدارى جاڭعىرتىلىپ جاتىر, سونداي-اق كەندىرلىدە جاڭا اۋەجايدىڭ قۇرىلىسى باستالدى. بۇل ينفراقۇرىلىم سالانى جاڭا دەڭگەيگە شىعارادى», دەدى نۇرداۋلەت قيلىباي.
