«مۇمكىندىگى شەكتەۋلى سپورتشىلاردى قولداۋ, پارا سپورتتى وركەندەتۋ ماقساتىندا ءبىزدىڭ ۋنيۆەرسيتەت ۆولەيبولدى وتىرىپ ويناۋ سپورتىن دامىتۋعا قولدان كەلگەنشە قولداۋ كورسەتىپ ءجۇر. دوداعا استانا, الماتى قالالارى مەن جەتىسۋ, باتىس قازاقستان وبلىسى سەكىلدى بىرنەشە وڭىردەن كوماندالار قاتىستى. الداعى ۋاقىتتا دا مۇمكىندىگى شەكتەۋلى, قابىلەتى شەكسىز ازاماتتارعا قولداۋ كورسەتۋ جۇمىسى توقتامايدى», دەيدى ۋنيۆەرسيتەت رەكتورى ماحمەتعالي سارىبەكوۆ.
ەل چەمپيوناتىندا توپقا تۇسكەن كوماندالاردىڭ بارلىعى جەڭىستىڭ بيىك تۇعىرىنان كورىنۋگە تىرىستى. مۇمكىندىگى شەكتەۋلى دەمەسەڭىز, ولاردىڭ جانكەشتىلىگى كاسىبي سپورتشىلاردان ەش كەم تۇسپەيتىنى بايقالدى. ءاربىر ناتيجەلى ۇپايعا شىنايى قۋانعان ولاردىڭ جۇزىنەن شاتتىق تابى ايقىن كورىنىپ تۇردى.
چەمپيونات قورىتىندىسىندا الماتى وبلىسىنىڭ قىزدارى جەڭىستىڭ ەڭ بيىك تۇعىرىنان كورىنسە, ەكىنشى ورىن الماتى قالاسىنىڭ ارۋلارىنا بۇيىردى. استانادان كەلگەن قىزدار ۇزدىك ۇشتىكتى تۇيىندەدى. جارىسقا قاتىسقان بارلىق كوماندا قوماقتى قارجىلاي سىيلىققا يە بولدى.
م.سارىبەكوۆتىڭ ايتۋىنشا, سپورتتىڭ وسى ءتۇرىن دامىتۋعا قاتىستى الداعى ۋاقىتتا دا اۋقىمدى جۇمىس اتقارىلادى. ۋنيۆەرسيتەت باسشىلىعى پارا سپورتشىلاردى قولداۋعا ايرىقشا باسىمدىق بەرىپ وتىر.
تاراز
