جاڭاجىلدىق مەرەكەنىڭ سانىنە اينالعان «ششەلكۋنچيك» بالەتى رەپەرتۋاردا ەرەكشە ورىن الادى. سەگىز جىلدان بەرى بۇل قويىلىم تەاتر ساحناسىندا انشلاگپەن ءوتىپ كەلەدى. جىل سايىن كورەرمەنگە 10-15 سپەكتاكل ۇسىنىلادى. قويىلىمعا «استانا بالەت» تەاترىنىڭ ارتىستەرىمەن قاتار قازاق ۇلتتىق حورەوگرافيا اكادەمياسىنىڭ ستۋدەنتتەرى دە قاتىسادى. ال جاس كورەرمەن ءۇشىن 19, 20, 21 جانە 23 جەلتوقسان كۇندەرى بالالارعا ارنالعان بالەتتىڭ ىقشامدالعان نۇسقاسى ساحنالانادى.
سونداي-اق باعدارلامادا 7, 9 جانە 10 قاڭتاردا كورسەتىلەتىن «قار حانشايىمى» بالەتى دە بار. حانس كريستيان اندەرسەننىڭ ەرتەگى جەلىسىمەن قويىلعان بۇل قويىلىم دوستىق, مەيىرىم مەن ماحابباتتى بيمەن جەتكىزەدى.
قىسقى قويىلىمدار لەگىن 23 جانە 24 قاڭتاردا ساحنالاناتىن «كۇلشە قىز» بالەتى تۇيىندەيدى. بۇل تۋىندى كۇلشە قىزدىڭ تاباندىلىعى مەن وزىنە دەگەن ادالدىعىن بەينەلەيدى.
بارلىق سپەكتاكل «استانا بالەت» تەاترى سيمفونيالىق وركەسترىنىڭ سۇيەمەلدەۋىمەن وتەدى. وركەستردى باس ديريجەر ارمان ورازعاليەۆ پەن ديريجەر ەلمار بورىباەۆ باسقارادى.
