فوتو: istockphoto.com
استانا اكىمى جەڭىس قاسىمبەك قالانىڭ جول-كولىك جۇيەسىن دامىتۋدىڭ جاڭا جوسپارىن جاريالادى. اكىمنىڭ ايتۋىنشا, بيىلدىڭ وزىندە 14 شاقىرىم جاڭا جول سالىنىپ, 60 شاقىرىم كوشە جوندەلگەن. اتاپ ايتقاندا, 8 جولاقتى ايتماتوۆ كوشەسىنىڭ اشىلۋى تۇران داڭعىلىنداعى كەپتەلىستى 12%-عا ازايتۋعا مۇمكىندىك بەردى.
الايدا, ەڭ اۋقىمدى جاڭالىق – قابانباي باتىر داڭعىلىنان رەسپۋبليكا داڭعىلى ارقىلى بوگەنباي باتىر كوشەسىنە دەيىن سوزىلاتىن ەكى دەڭگەيلى جىلدام ترانزيتتىك جولدىڭ قۇرىلىسى.
جوبانىڭ نەگىزگى ارتىقشىلىقتارى:
- ۇزىندىعى: 12,4 شاقىرىمدى قۇرايدى.
- ناتيجەسى: كەپتەلىستەردى 30-40%-عا دەيىن تومەندەتەدى.
- الەمدىك ستاندارت: مۇنداي جوبالار سەۋل, توكيو, پەكين جانە پاريج سياقتى الەمدىك مەگاپوليستەردە ءساتتى جۇزەگە اسقان.
- قۇرىلىس وڭ جاعالاۋدىڭ تاريحي كەلبەتىن ساقتاي وتىرىپ جۇرگىزىلەدى.
بۇدان بولەك, كولىك ينفراقۇرىلىمىن جاقسارتۋ ماقساتىندا قالاداعى بارلىق تۇراقتار وتكەن اپتادا قالانىڭ كوممۋنالدىق مەنشىگىنە تەگىن قايتارىلدى.
بۇعان دەيىن قالا اكىمى LRT-نىڭ سىناق مەرزىمى اياقتالۋعا جاقىن ەكەنىن جانە ونىڭ جوسپاردان ەرتە اشىلۋى مۇمكىن ەكەنىن ايتقان ەدى.
