«كەلەشەك مەكتەپتەرى» ۇلتتىق جوباسى قورىتىندىلانادى

ۇلتتىق جوبا اياسىندا بوي كوتەرگەن مەكتەپتەر قالا مەن اۋىلعا بىردەي ستاندارتپەن سالىندى. سىرتقى كەلبەتى مەن ىشكى جابدىقتالۋىندا ايىرماشىلىق جوق. بۇل – قالا مەن اۋىل ارا­سىنداعى ءبىلىم ساپاسى مەن ينفرا­قۇرىلىم الشاقتىعىن ازايتۋ ماقساتىندا جاسالىپ وتىر.

جاڭا ءبىلىم وردالارى زاما­ناۋي تالاپتارعا ساي جابدىق­تالعان. مەكتەپتەردە كەڭ ءارى جارىق سىنىپتار, سوڭعى ۇلگىدەگى وقۋ قۇرالدارى, STEM جانە كوم­پيۋتەرلىك كابينەتتەر, سپورت, ءماجىلىس زالدارى, كىتاپ­حانا مەن اسحانا قامتىلعان. بالا­­لار­دىڭ قاۋىپسىزدىگى ءۇشىن بەينە­باقىلاۋ جۇيەلەرى ورناتىلىپ, ينكليۋزيۆتى ءبىلىم الۋعا تولىق جاعداي جاسالعان. جوبانىڭ ماڭىزدى ەرەكشەلىگىنىڭ ءبىرى – شالعاي ەلدى مەكەندەرگە باسىم­دىق بەرىلۋى. ۇلتتىق جوبا اياسىن­دا الىس اۋىلداردا دا ءىرى ءارى زاما­ناۋي مەكتەپتەر سالىندى. مەم­­لەكەتتىك باقىلاۋدىڭ, جاۋاپتى ورىن­داۋشىلاردىڭ ۇيلەسىم­دى جۇمىسىنىڭ ناتيجەسىندە قۇرىلىس جۇمىستارى بەلگىلەنگەن مەرزىمنەن كەشىكپەي اياقتالدى. «Samruk Construction» كومپا­نياسىنىڭ مالىمدەۋىنشە, جوبانى ىسكە اسىرۋ بارىسىندا ساپا تالاپتارى باستى نازاردا ۇستالىپ, ءار نىسان تولىق قابىلداۋ راسىمىنەن وتكەن.

الماتى قالاسىندا «كەلەشەك مەكتەپتەرى» ۇلتتىق جوباسى اياسىندا 21 زاماناۋي مەكتەپ سالۋ جوسپارلانعان. ونىڭ 13-ءى «Samruk-Kazyna Construction» اق باسقارۋىمەن, ال قالعان 8 مەكتەپ قالا اكىمدىگى تاراپىنان مەملەكەت-جەكەمەنشىك ارىپ­تەستىگى جانە دايىن نىسانداردى ساتىپ الۋ تەتىكتەرى ارقىلى سالىنىپ جاتىر. «Samruk-Kazyna Construction» اق باسقارۋىنداعى 13 مەكتەپتىڭ بارلىعىندا قۇرى­لىس-مونتاجداۋ جۇمىستارى تولىق اياقتالعان. باسقارما تورا­­عا­­سى ماۋلەن ايمانبەتوۆتىڭ اي­تۋىن­شا, №97 جانە №154 مەكتەپتەر بۇرىن اپاتتى جاعدايدا بولعان ەسكى عيماراتتاردىڭ ورنىنا بوي كوتەرگەن. ەسكى نىساندار تولىق بۇزىلىپ, ولاردىڭ ورنىنا قاۋىپسىز ءارى زاماناۋي مەكتەپتەر سالىنعان.

«بىرىڭعاي وپەراتوردىڭ باس­قارۋىمەن ەل تاريحىندا العاش رەت ارقايسىسى 2 500 ورىندىق ەكى ءىرى مەكتەپ پايدالانۋعا بەرىل­دى. 2 500 ورىندىق مەكتەپتەر­دىڭ نور­ماتيۆتىك قۇرىلىس مەر­زىمى 28 اي. ءبىز ولاردى 22 ايدا اياقتادىق. بۇل – تەك الماتىداعى ەمەس, رەسپۋبليكا بويىن­شا ەڭ ءىرى وقۋ ورىندارى», دەيدى م.ايمانبەتوۆ.

ال استانا قالاسىندا «كە­لەشەك مەكتەپتەرى» ۇلتتىق جوباسىن ىسكە اسىرۋ مارەسىنە تاياپ قالدى. جوسپارلانعان 22 مەكتەپتىڭ 21-ىندە, ياعني 39 200 وقۋشى ورنىنا ارنالعان نىسانداردا قۇرىلىس جۇمىستارى تولىق اياقتالعان. 2000 ورىندىق ءبىر مەكتەپ جاقىن ۋاقىتتا پاي­دالانۋعا بەرىلەدى.

سونىمەن قاتار جاقىندا ماڭ­عىستاۋ وبلىسىنداعى «كەلە­شەك مەكتەپتەرى» جوباسى اياقتالىپ, سوڭعى 13-مەكتەپ وقۋشىلاردى قابىلدادى. جاڭا فورماتتاعى ءبىلىم ۇيىمى 1 500 وقۋشىنى قامتي الادى.

«بۇگىندە مەملەكەتىمىزدىڭ باس­تى باسىمدىقتارىنىڭ ءبىرى – ساپالى ءبىلىم جۇيەسىن قالىپتاس­تىرۋ. وسى ورايدا, «كەلەشەك مەكتەپتەرى» ۇلتتىق جوباسى اياسىندا بوي كوتەرگەن جاڭا ءبىلىم ورداسى – ءبىزدىڭ مەكتەبىمىز, وسى باستامانىڭ جارقىن كورىنىسى دەپ بىلەمىز. جاڭا مەكتەپ – تەك عيمارات ەمەس, بۇل – جاڭاشا ويلاۋ, جاڭاشا وقىتۋ, زاماناۋي مۇمكىندىكتەرمەن جابدىقتال­عان زياتكەرلىك كەڭىستىك. مۇن­دا وقۋشىلارىمىز ءبىلىم الىپ قانا قويماي, تۇلعالىق دامۋعا, شىعارماشىلىقپەن اينالى­سۋعا, تسيفرلىق ساۋاتتىلىقتا­رىن ارتتىرۋعا بارلىق جاع­داي جاسالعان. مەكتەپ ۇجىمى – تاجىريبەلى, جاڭاشىل ۇس­تازداردان قۇرالعان. ءبىز ءبىلىم مەن تاربيەنى تەڭ ۇستاۋدى باس­تى مىندەت سانايمىز. بالانىڭ جان-جاقتى دامۋى, قاۋىپسىز ورتادا ەركىن ويلاپ, ءوز بولاشاعىن قالىپتاستىرۋى – ءبىزدىڭ كۇندە­لىكتى جۇمىسىمىزدىڭ نەگىزى», دەيدى اقتاۋ قالاسى №35 مەكتەپ ديرەكتورى ليۋبوۆ نام.

رەسپۋبليكا بويىنشا 10 وڭىردە مەكتەپتەر تولىق پايدالانۋعا بەرىلدى. جالپى, 217 300 وقۋشى ورنىنا ەسەپتەلگەن 208 مەكتەپتىڭ 187-ءسى تولىق سالىنىپ ءبىتتى. قالعان 21 مەكتەپتىڭ قۇرىلىس-مونتاجداۋ جۇمىسى عانا قالعان. اتاپ ايتساق, الماتى قالاسىندا – 13 مەكتەپ, 23 100 وقۋشى ورىن, شىعىس قازاقستان وبلىسىندا – 7 مەكتەپ, 3 000 ورىن, سولتۇستىك قازاقستان وبلىسىندا – 2 مەكتەپ, 1 200 ورىن, پاۆلودار وبلىسىندا – 2 مەكتەپ, 1 800 ورىن, قىزىلوردا وبلىسىندا – 10 مەكتەپ, 6 900 ورىن, ماڭعىستاۋ وبلىسىندا – 13 مەكتەپ, 12 600 ورىن, جامبىل وبلىسىندا – 7 مەكتەپ, 6 200 ورىن, اقمولا وبلىسىندا – 9 مەكتەپ, 12 200 ورىن, شىمكەنت قالاسىندا – 12 مەكتەپ, 17 300 ورىن, ۇلىتاۋ وبلىسىندا – 1 مەكتەپ, 300 ورىن, جەتىسۋ وبلىسىندا – 2 مەكتەپ, 1 800 ورىن قولدانىستا.

سونداي-اق وقۋ-اعارتۋ مي­نيسترلىگىنىڭ مالىمەتىنشە, «كەلەشەك مەكتەپتەرىنىڭ» جارتىسىنا جۋىعى اۋىلدا ورنالاسقان. سونىڭ ىشىندە ەڭ شالعايى شەكارا ماڭىڭداعى جوڭعار قاقپاسىنىڭ ەتەگىندە جاتقان دوستىق اۋىلىندا بوي كوتەردى. ءبىر اۋىسىمدا 600 بالا قابىلداي الاتىن نىسان ستاندارتقا ساي. مەكتەپ بالالارعا قاجەتتى بارلىق قۇرالمەن جاب­دىقتالعان.