كۇدىكتىنى جەكە ءتىنتۋ كەزىندە جالپى سالماعى 14,13 گرامم بولاتىن ۇنتاق ءتارىزدى زات سالىنعان 30 وراما تاركىلەندى. سونىمەن قاتار, ونىڭ تۇرعىلىقتى مەكەنجايى بويىنشا سانكتسيالانعان ءتىنتۋ بارىسىندا سالماعى 926,827 گرامم بولاتىن ۇنتاق ءتارىزدى زات تابىلىپ, الىندى.
ساراپتاما قورىتىندىسىنا سايكەس, تاركىلەنگەن زات سينتەتيكالىق ەسىرتكى قۇرالى — «الفا-PVP» بولىپ شىقتى. جالپى سالماعى 940 گرامم 957 ميلليگرامدى قۇرادى.
اتالعان دەرەككە قاتىستى قر قىلمىستىق كودەكسىنىڭ 297-بابى 3-بولىگى — «ەسىرتكى قۇرالدارىن, پسيحوتروپتىق زاتتاردى نەمەسە ولاردىڭ انالوگتارىن اسا ءىرى مولشەردە زاڭسىز ساتىپ الۋ, ساقتاۋ, ساتۋ ماقساتىندا تاسىمالداۋ, جونەلتۋ نە وتكىزۋ» بويىنشا سوتقا دەيىنگى تەرگەپ-تەكسەرۋ باستالدى.
كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا وسى قىلمىسقا قاتىسى بار وزگە دە تۇلعالاردى انىقتاۋعا باعىتتالعان قاجەتتى جەدەل-تەرگەۋ ءىس-شارالارى جۇرگىزىلۋدە.
