فوتو: ۇكىمەت, تەلەگرام
بۇل تۋرالى ۇكىمەتتىڭ قورىتىندى ءباسپاسوز كونفەرەنتسيالارى سەرياسى شەڭبەرىندە مينەرالدى-شيكىزات بازاسىن باسقارۋدىڭ اشىقتىعىن ارتتىرۋ تۋرالى ونەركاسىپ جانە قۇرىلىس ۆيتسە-ءمينيسترى يران شارحان حابارلادى.
ول پرەزيدەنتتىڭ تاپسىرماسى بويىنشا جۇرگىزىلىپ جاتقان سالانى جۇيەلى جاڭعىرتۋدىڭ ناتيجەسىندە بۇگىندە پايدالى قازبالاردىڭ 103 ءتۇرى مەن 10 مىڭعا جۋىق كەن ورنى مەملەكەتتىك ەسەپكە الىنعانىن اتاپ ءوتتى.
«ەلىمىزدە بارلىعى 2 907 ليتسەنزيا جانە 251 قاتتى پايدالى قازبالار كەلىسىمشارتى بار. ءبىز جەر قويناۋىن ءتيىمدى يگەرۋ ءۇشىن گەولوگيالىق سالانى جاڭا تەحنولوگيالىق دەڭگەيگە كوشىرۋ بويىنشا جۇمىستى جالعاستىرامىز», دەدى ۆيتسە-مينيستر.
