فوتو: قفف ءباسپاسوز قىزمەتى
قايرات نۇرداۋلەتوۆ 1982 جىلى دۇنيەگە كەلگەن. كاسىبي فۋتبولشى رەتىندە ول «تسسكا-قايرات», «ەسىل-باتىر», «ەرتىس», «قايرات», «توبىل», «استانا» جانە «قايسار» كلۋبتارىنىڭ نامىسىن قورعاعان.
مانسابىن اياقتاعاننان كەيىن قازاقستان ۇلتتىق قۇراماسىنىڭ باپكەرلىك شتابىنا كىردى. كەيىن ەلدىڭ جاستار قۇراماسىن باسقاردى.
2023 جىلى قايرات نۇرداۋلەتوۆ تۇركىستان وبلىسىنداعى «ماقتاارال» كلۋبىنىڭ باس باپكەرى بولىپ جۇمىس ىستەدى. سونداي-اق كوماندانىڭ پرەمەر-ليگادا ورنىن ساقتاپ قالۋىنا ۇلەس قوستى.
ودان كەيىن تالدىقورعاندىق «جەتىسۋ» كلۋبىن باسقاردى, ونىڭ جەتەكشىلىگىمەن كوماندا ماۋسىمدى 11-ورىنمەن اياقتادى.
بيىلعى جىلدىڭ 4 شىلدەسىندە قايرات نۇرداۋلەتوۆ كوكشەتاۋلىق «وقجەتپەس» كلۋبىنىڭ باس باپكەرى بولىپ تاعايىندالىپ, بۇل قىزمەتتە اندرەي فەراپونتوۆتى الماستىردى. وتكەن ماۋسىم قورىتىندىسى بويىنشا كلۋب 35 ۇپاي جيناپ, قازاقستان پرەمەر-ليگاسىنىڭ تۋرنيرلىك كەستەسىندە سەگىزىنشى ورىنعا يە بولدى.
