فوتو: olympic.kz
شۆەيتساريانىڭ لوزاننا قالاسىندا وتكەن وتىرىس بارىسىندا 26 سپورت ءتۇرى مەن ديستسيپلينا بويىنشا ىرىكتەۋ ەرەجەلەرى تانىستىرىلىپ, ماقۇلداندى. ولاردىڭ قاتارىندا بادمينتون, باسكەتبول, 3ح3 باسكەتبول, شوسسەلىك ۆەلوسپورت, ترەك ۆەلوسپورتى, ماۋنتينبايك, بايداركا مەن كانوەدە ەسۋ, ات سپورتى, سەمسەرلەسۋ, گاندبول, كوگالداعى حوككەي, دزيۋدو, قازىرگى بەسسايىس, ءجۇزۋ, اشىق سۋدا ءجۇزۋ, رەگبي-7, جەلكەندى سپورت, وق اتۋ جانە ستەندتىك اتۋ, تاەكۆوندو, ۆولەيبول جانە جاعاجاي ۆولەيبولى بار.
قالعان سپورت تۇرلەرى بويىنشا ىرىكتەۋ جۇيەلەرىن حالىقارالىق وليمپيادا كوميتەتىنىڭ (حوك) اتقارۋشى كوميتەتىنىڭ قاراۋىنا 2026 جىلدىڭ باسىندا ۇسىنۋ جوسپارلانىپ وتىر.
كوپشىلىك سپورت تۇرلەرى مەن ديستسيپلينالاردا 2028 جىلعى وليمپياداعا ىرىكتەۋ الدىڭعى وليمپيادا ويىندارىندا قولدانىلعان, ءوزىن ءتيىمدى كورسەتكەن ىرىكتەۋ ۇلگىلەرىنە نەگىزدەلگەن. سونىمەن قاتار بارلىق ەرەجەلەر حوك تاراپىنان مىندەتتى تۇردە تۇپكىلىكتى بەكىتىلۋى ءتيىس.
ۇلتتىق وليمپيادا كوميتەتى لوس-اندجەلەستە وتەتىن وليمپيادا ويىندارىنا ىرىكتەۋ جۇيەسى سپورتشىلارعا جولدامالاردى يەلەنۋدىڭ كەمىندە ەكى ءتۇرلى مۇمكىندىگىن قاراستىراتىنىن مالىمدەدى.
