كوللاجدى جاساعان – زاۋرەش سماعۇل, «EQ»
«ەگەر ءۇش اي قاتارىنان جەكە تۇلعانىڭ بانك كارتاسىنا 100 ءتۇرلى ادامنان اقشا اۋدارىمدارى تۇسسە تۇلعا سالىق باقىلاۋىنا الىنادى. ەگەر وسى ءۇش ايدىڭ ىشىندە 100 ءتۇرلى ادامنان اۋدارىم ءتۇسىپ, سونىمەن قاتار بۇل اۋدارىمداردىڭ جالپى سوماسى 1 ميلليون تەڭگەدەن اسسا عانا سالىقتىق باقىلاۋعا الىنادى», دەدى ءبىرجانوۆ.
ونىڭ ايتۋىنشا, بۇل كريتەريلەردىڭ ەشقايسىسى جەكە-جەكە نەگىز بولىپ سانالمايدى, ولاردىڭ بارلىعى ءبىر مەزگىلدە سايكەس كەلۋى ءتيىس.
ۆيتسە-ءمينيستردىڭ تۇسىندىرۋىنشە, ەكىنشى دەڭگەيلى بانكتەر مۇنداي اقپاراتتى فيسكالدىق باقىلاۋ اياسىندا ۋاكىلەتتى ورگاندارعا جولدايدى. الايدا ەسەپشوتتاردى بۇعاتتالمايدى.
«ەكىنشى دەڭگەيلى بانكتەر بۇل دەرەكتەردى فيسكالدىق باقىلاۋ ءۇشىن ۇسىنادى. جەكە تۇلعالاردىڭ ەسەپشوتتارى جابىلمايدى. ءبىز تەك انىقتالعان سايكەسسىزدىكتەر بويىنشا حابارلاما جىبەرەمىز, سودان كەيىن ونى جەكە كاسىپكەر رەتىندە تىركەۋ قاجەتتىلىگى بار-جوعىن انىقتايمىز. مىسالى, بۇل قايىرىمدىلىق اۋدارىمدارى بولۋى مۇمكىن – مۇنىڭ ءبارى ەسكەرىلەدى. ەسەپشوتتاردى اۆتوماتتى تۇردە جابۋ كوزدەلمەگەن», دەپ اتاپ ءوتتى ول.
ايتا كەتەيىك, 1 قاڭتاردان باستاپ قازاقستاندا جاڭارتىلعان سالىق كودەكسى كۇشىنە ەنەدى. قۇجات بيزنەس جۇمىسىنا ەلەۋلى وزگەرىستەر ەنگىزۋدى كوزدەپ وتىر.
