قالالىق پوليتسيا دەپارتامەنتىنىڭ مالىمەتىنشە, 14:00-دەن باستاپ ەلوردادان بارلىق باعىتتا بارلىق كولىك تۇرلەرى ءۇشىن قوزعالىس شەكتەلدى.
پوليتسيا قىزمەتكەرلەرى جۇرگىزۋشىلەردى جولعا شىقپاۋعا, ەلدى مەكەندەر اۋماعىندا قالىپ, قالا شەتىندەگى بەكەتتەرگە بارماۋعا شاقىرىپ وتىر. بۇل كولىك كەپتەلىستەرىنىڭ الدىن الىپ, كوممۋنالدىق جانە شۇعىل قىزمەتتەردىڭ جۇمىسىنا كەدەرگى كەلتىرمەۋ ءۇشىن قاجەت.
– قابىلدانعان شارالار ءتيىستى قىزمەتتەردىڭ جۇمىسىن جەڭىلدەتىپ, قالانىڭ قالىپتى تىرشىلىگىن قامتاماسىز ەتۋگە مۇمكىندىك بەرەدى, – دەپ اتاپ ءوتتى پوليتسيا وكىلدەرى.
قۇزىرلى ورگاندار تۇرعىنداردى اۋا رايى تۇراقتالعانعا دەيىن قاۋىپسىزدىك تالاپتارىن ساقتاۋعا جانە رەسمي اقپارات كوزدەرىنەن حابارلامالاردى قاداعالاپ وتىرۋعا شاقىرادى.
