استانا. 23 ناۋرىز. رەسەيدىڭ «ءبىرىنشى ارناسىندا» قازىرگى كۇندەرى «ورلوۆا جانە الەكساندروۆ» سەريالىن كورسەتۋ ءجۇرىپ جاتىر. بۇل تۋرالى Woman's Day حابارلادى.
سەريال كەشەگى كەڭەس كەزەڭىنىڭ ەڭ ءبىر وارقىن, ەڭ ءبىر اتاقتى اكتريساسىنىڭ ءومىر جولدارى تۋرالى سىر شەرتەدى. ونىڭ ايرىقشا تانىمال بولعانى سونداي, ول تۋرالى ۇدايى الۋان ءتۇرلى قاۋەسەتتەر مەن اڭىزدار سوڭىنان ءورىپ ءجۇردى.
«انتەننا» باسىلىمى وسىعان وراي اكتريسانىڭ نەمەرە جيەنى نوننا گوليكوۆانى تاۋىپ الىپ, وعان ورلوۆا جايىنداعى بىرنەشە اڭىزعا تۇسىندىرمە بەرە كەتۋدى ءوتىندى. ماسەلەن, بىلاي دەيدى...
...اكتريسا مەن ونى بارلىق فيلمدەرىندە تۇسىرگەن رەجيسسەر گريگوري الكساندروۆتىڭ نەكەلەرى ونەر ءۇشىن جاسالعان جالعان نەكە بولعان.
ن.گوليكوۆانىڭ تۇسىندىرمەسى: «بۇل ساندىراق. ولاردىڭ اراسىندا شىنايى ماحاببات بولدى. ال ولاردىڭ اراسىندا نەگە بالا بولمادى, دەگەنگە كەلسەك. سەبەبى, ليۋبوۆ پەتروۆنا اقىلدى ايەل ەدى. ەندى ونىڭ ءومىربايانىن ەسكە الىپ كورەيىكشى. رەۆوليۋتسيا بولىپ, ونىڭ اتا-اناسى ءبىر ساتتە جۇمىسسىز قالعان دۆورياندار بولىپ شىعا كەلگەندە, ونىڭ جاسى 15-تە بولاتىن. سول كەزدە وعان جۇمىس ىستەپ, بيدون قۇيىلعان ءسۇتتى ساتۋعا تاسىپ تۇرۋعا تۋرا كەلدى. سوسىن ازامات سوعىسى باستالدى, 1930 جىلداردا اشتىق, رەپرەسسيا بولدى, بۇلاردىڭ سوڭعىسى ونىڭ ءبىرىنشى كۇيەۋى اندرەي بەرزيندى تۇتقىنعا الۋعا اپاردى. سوسىن ۇلى وتان سوعىسى... مۇنداي ۋاقىتتاردا قانداي بالا بولۋى مۇمكىن؟ بۇعان قوسا, ول كۇيەۋىنەن باسقانى كەرەك ەتپەيتىندەي باقىتتى ءومىر ءسۇرىپ جاتتى. ول سوندىقتان: «مەنىڭ گريشەنكا دەگەن بالام بار» دەگەندى ءجيى ايتاتىن».
...ورلوۆا ءستاليننىڭ تەك سۇيىكتى اكتريساسى عانا ەمەس, كوڭىلدەسى دە بولدى.
ن.گوليكوۆانىڭ تۇسىندىرمەسى: «ول ءستاليندى ومىرىندە ءبىر-اق رەت كورگەن. مۇنىڭ ءوزى 15 مينۋتقا عانا سوزىلعان (تانىستىق 1935 جىلى كەڭەس كينوسىنا 15 جىل تولۋىنا بايلانىستى بولعان قابىلداۋ كەزىندە, ورلوۆانىڭ رسفسر-ءدىڭ ەڭبەك سىڭىرگەن ءارتىسى اتاعىن الاتىن كەزىندە بولعان – «انتەننانىڭ» ەسكەرتپەسى). ال ورلوۆانىڭ شىنىندا ءستاليننىڭ سۇيىكتى اكتريساسى بولعانى جۇرتتىڭ بارىنە بەلگىلى. ماعان گريگوري ۆاسيلەۆيچ كەشكىلىك ءوزىنىڭ ساياجايىندا وتىرعانىندا يوسيف ءۆيسساريونوۆيچتىڭ ورلوۆا قاتىسقان ءفيلمنىڭ ءبىر نەمەسە ەكى ءبولىمىن وتە ءجيى كورىپ تۇراتىنىن ايتىپ بەرگەن. بالكىم, ليۋبوۆ پەتروۆنا سوندىقتان دا شەكتەۋلى ءومىر سالتىن ۇستانىپ, ەشۋاقىتتا كرەملدە قابىلداۋدا بولا بەرمەگەن شىعار».
...ورلوۆا 90 رەت پلاستيكالىق وپەراتسيا جاساتقان.
ن.گوليكوۆانىڭ تۇسىندىرمەسى: «ونداي وپەراتسيانىڭ بولعانى راس, بىراق ءبىر رەت قانا جاسالعان. (ايتقانداي, ونى جاساعان حيرۋرگ الەكساندر شمەلەۆتى كەيىن الەكساندر العىس سەزىمى رەتىندە ءوزىنىڭ «قارا تورعاي مەن ليرا» دەگەن ەڭ سوڭعى فيلمىنە تۇسىرگەن. – «انتەننانىڭ» ەسكەرتپەسى). ماعان: «ول بەتىن قالاي كۇتكەن؟» دەگەن سۇراق ءجيى قويىلادى. جاس شاعىمدا بۇلو سۇراق مەنى دە قىزىقتىراتىن. مەن ونىڭ كەڭەسىن ءاردايىم مۇقيات تىڭداپ, ەشقاشان يمپورتتىق كرەمدەردى پايدالانعان ەمەسپىن, تەك وزىمىزدىكىن عانا قولداندىم. سەبەبى, بىزدەردىكى ءارتۇرلى حيميالىق ەلەمەنتتەرمەن بىلعانعان ەمەس ەدى. ويتكەنى, حيميا ونەركاسىبى ءالى جاقسى دامىماعان ەدى».
...رەۆوليۋتسيادان كەيىن 15 جاسار ليۋبا ءومىر ءسۇرۋ ءۇشىن اقشا تابۋ ماقساتىندا ورلوۆتار تۇراتىن ۆوسكرەسەنسكىدەن ماسكەۋگە ساتۋعا بيدونمەن ءسۇت تاسيتىن. وسىنىڭ سالدارىنان كەيىن ونىڭ ساۋستارى قيسايىپ كەتىپ, بۋىندارى اۋىراتىن بولدى. ال كادرعا ونىڭ دۋبلەرلەرىنىڭ ادەمى قولدارى كورسەتىلەتىن.
ن.گوليكوۆانىڭ تۇسىندىرمەسى: «بۇل جاعدايدا ونىڭ ادەتتە ءوز قولدارىن جاسىرىپ ۇستاعانى شىندىق. ولار راسىندا اۋىر بيدونداردى كوتەرگەندىكتەن قيسايىپ كەتكەن. سوندىقتان ول كوبىنە قولعاپ كيىپ ءجۇردى نەمەسە ساۋساقتارىنىڭ كەمىسىن بىلدىرمەيتىندەي ۇزىن جەڭدى كيىمدەر كيدى».
...ءبىر جولى ورلوۆا كينوستۋديادا الەكساندروۆتىڭ ءبىر قايسار تابىنۋشىسى پايدا بولىپتى, وعان رەجيسسەر دە ىقىلاس ءبىلدىرىپتى. بۇل ايەل الدەقانداي ءبىر مەرەكەنىڭ قۇرمەتىنە رەجيسسەر مەن اكتريسانىڭ ۇيىنە شاقىرتىلىپتى. ليۋبوۆ ورلوۆا وزدەرىنە ورتاق تىگىنشىدەن ونىڭ قوناققا قانداي كيىممەن كەلەتىنىن الدىن الا ءبىلىپ الىپ, بولمەدەگى بارلىق جيھازدى سونىڭ كويلەگىنىڭ تۇسىندەي ماتامەن جاۋىپ قويىپتى. قارسىلاسى مىناداي كەيىن قاتتى ءتانتى بولىپتى».
ن.گوليكوۆانىڭ تۇسىندىرمەسى: «ليۋبوۆ پەتروۆنا شىنىندا دا جيھازداردى ماتامەن ءوزى قاپتاعاندى جاقسى كورەتىن. بىراق كويلەكتىڭ تۇسىنە بايلانىستى كەلترىلگەن مىسال – بارىپ تۇرعان ساندىراق. ورلوۆا شىن مانىندە قىزعانشاق ايەل بولسا دا, ءدال مىناداي دەڭگەيگە دەيىن ءتۇسىپ, قورلانعان ەمەس».
...ءبىر جولى ورلوۆا كينوستۋديادا الەكساندروۆتىڭ ءبىر قايسار تابىنۋشىسى پايدا بولىپتى, وعان رەجيسسەر دە ىقىلاس ءبىلدىرىپتى. بۇل ايەل الدەقانداي ءبىر مەرەكەنىڭ قۇرمەتىنە رەجيسسەر مەن اكتريسانىڭ ۇيىنە شاقىرتىلىپتى. ليۋبوۆ ورلوۆا وزدەرىنە ورتاق تىگىنشىدەن ونىڭ قوناققا قانداي كيىممەن كەلەتىنىن الدىن الا ءبىلىپ الىپ, بولمەدەگى بارلىق جيھازدى سونىڭ كويلەگىنىڭ تۇسىندەي ماتامەن جاۋىپ قويىپتى. قارسىلاسى مىناداي كەيىن قاتتى ءتانتى بولىپتى».
ن.گوليكوۆانىڭ تۇسىندىرمەسى: «ليۋبوۆ پەتروۆنا شىنىندا دا جيھازداردى ماتامەن ءوزى قاپتاعاندى جاقسى كورەتىن. بىراق كويلەكتىڭ تۇسىنە بايلانىستى كەلترىلگەن مىسال – بارىپ تۇرعان ساندىراق. ورلوۆا شىن مانىندە قىزعانشاق ايەل بولسا دا, ءدال مىناداي دەڭگەيگە دەيىن ءتۇسىپ, قورلانعان ەمەس».
