بۇل ماسەلەگە قاتىستى شاھار باسشىسى ادىلەت قوجانباەۆ تۇرعىنداردىڭ تالاپ-تىلەگىنىڭ ورىندى ەكەنىن ايتتى.
«قالا تازالىعى بويىنشا بۇل ءبىرىنشى جينالىس ەمەس. الايدا ماسەلەلەر ءالى دە بار. مەردىگەر ۇيىمداردىڭ جۇمىس ساپاسى سىن كوتەرمەيدى. تۇرعىنداردان كەلىپ تۇسكەن شاعىمدار ازايماي وتىر. بەلگىلەنگەن تالاپتار تولىق ورىندالماي, قوقىس ۋاقىتىلى شىعارىلماي, قالا تازالىعى ءتيىستى دەڭگەيدە ساقتالماي وتىر», دەدى ول.
قالا اكىمىنىڭ ايتۋىنشا, قالادا سانيتارلىق جاعدايدى رەتتەۋ ءۇشىن مەردىگەر كومپانيالاردىڭ جاۋاپكەرشىلىگىن كوتەرۋ, تەحنيكالىق مۇمكىندىكتەرىن ارتتىرۋ جانە باقىلاۋ شارالارىن كۇشەيتۋ قاجەت.
ايتا كەتەيىك, وبلىس اكىمى بەرىك ءۋالي قالا مەن اۋدان اكىمدەرىنە تازالىق ماسەلەسىن ەرەكشە باقىلاۋدا ۇستاپ, ناقتى تاپسىرمالار بەرىلگەن. ايماق باسشىسى تازالىق جۇيەسىن جاقسارتۋ جەرگىلىكتى اتقارۋشى ورگانداردىڭ بۇگىنگى باستى مىندەتتەرىنىڭ ءبىرى ەكەنىن ايتقان. ەندىگى كەزەكتە قوعام تاراپىنان باقىلاۋ كۇشەيىپ, جاۋاپتى مەكەمەلەردىڭ جۇمىسىنا تالاپ قاتاڭدانباق.
اباي وبلىسى
