فوتو: استاناقالاسىنىڭ اكىمدىگى
قالا اكىمدىگىنىڭ ءباسپاسوز قىزمەتىنىڭ مالىمەتىنشە, وقۋشىلارعا پروكۋراتۋرا قىزمەتىنىڭ تاريحى مەن قىزمەتى كورسەتىلگەن. قاتىسۋشىلار كەزەكشى پروكۋروردىڭ جۇمىس ورنىن, احۋالدىق ورتالىقتاعى مونيتورينگ جۇيەسىن جانە ازاماتتاردى قابىلداۋ ءبولىمىنىڭ جۇمىس بارىسىن كورىپ, تانىستى.
پروكۋراتۋرا ماماندارى «انتيالاياقتىق» WhatsApp-بوتىنىڭ قالاي جۇمىس ىستەيتىنىن جانە ازاماتتارعا ارنالعان وزگە دە ونلاين سەرۆيستەردىڭ مۇمكىندىكتەرىن كورسەتتى.
ء«ىس-شارانىڭ ماقساتى – كامەلەتكە تولماعاندار اراسىندا قۇقىقتىق مادەنيەت قالىپتاستىرۋ, زاڭ مەن ءتارتىپ يدەولوگياسىن ىلگەرىلەتۋ. ءبىز مۇنداي ەكسكۋرسيالاردى ءجيى ۇيىمداستىرامىز, جوعارى وقۋ ورىندارى, كوللەدجدەر مەن مەكتەپتەردە دارىستەر وقيمىز. ناركوتيكالىق قىلمىستاردىڭ الدىن الۋ, بۋللينگپەن, الاياقتىقپەن جانە جاستار اراسىنداعى وزگە دە قۇقىقبۇزۋشىلىقتارمەن كۇرەس تۋرالى تۇسىندىرەمىز», دەدى استانا پروكۋرورىنىڭ كومەكشىسى دينارا تۋكەەۆا.
سونداي-اق ول وتكەن جىلى ۇيىمداستىرىلعان ۇقساس ءىس-شارانىڭ ناتيجەسىندە بىرنەشە ستۋدەنت قۇقىق قورعاۋ سالاسىن تاڭداۋعا نيەت ءبىلدىرىپ, پروكۋراتۋرادا تاجىريبەدەن وتكەنىن ايتتى.
پروكۋرورلاردىڭ جۇمىس بارىسىمەن تانىسقان وقۋشىلار دا ءوز اسەرىمەن ءبولىستى.
«ماعان پروكۋراتۋرانىڭ قالاداعى قاۋىپسىزدىكتى باقىلاپ وتىراتىنى ۇنادى. احۋالدىق ورتالىقتا كوشەدە بولىپ جاتقان جاعدايلارعا مونيتورينگ جۇرگىزىلىپ, قۇقىقبۇزۋشىلىقتاردىڭ الدىن الۋعا بولادى», دەدى تەمىرلان.
