اقتوبەدە بەنزيننىڭ ناشارلىعىنان كولىكتەر بۇزىلىپ جاتىر

استانا. 22 ناۋرىز. اقتوبەدە ونعا جۋىق اۆتوكولىك سۋ قوسىلىپ كەتكەن بەنزيننىڭ كەسىرىنەن ىستەن شىققان. بۇل تۋرالى auto.mail.ru حابارلادى. تاراتا ايتار بولساق, وقيعا قالاداعى «روستانەفت» جانارماي قۇيۋ بەكەتىنەن باستاۋ العان. كومپانيا وكىلدەرى الگى ىستەن شىققان كولىكتەرگە سۋ ارالاسقان بەنزين قۇيىلعانىن مويىنداپ وتىر. «روستانەفت» كومپانياسىنىڭ زاڭگەرى بولات ءمايسۇتوۆ سۋ قوسىلىپ كەتكەن تسيستەرناداعى بەنزين ءتيىستى ورىنعا تەكسەرۋگە جىبەرىلگەنىن, ەگەر راسىندا جانار مايعا سۋ ارالاسقانىنا زاڭدى تۇردە كوز جەتكىزىلسە, زارداپ شەككەندەردىڭ شىعىندارى وتەلەتىنىن جەتكىزدى. قازىرگى تاڭدا ناشار بەنزيننەن بۇزىلعان كولىكتەردى جوندەۋ ءىسى كۇتىپ تۇر. ولاردى قالپىنا كەلتىرۋ قىمباتقا تۇسەتىن كورىنەدى. سونداي-اق, وزدىگىنەن جۇرە المايتىن بۇل كولىكتەردى جوندەۋ ورىندارىنا جەتكىزۋ ءۇشىن ەۆاكۋاتور قاجەت. ونىڭ قىزمەتىنە تولەنەتىن اقى دا از ەمەس. وسى كەلەڭسىزدىكتەن كەيىن اتالمىش جانارماي قۇيۋ بەكەتى كليەنتتەرىنەن ايىرىلىپ قالماۋى ءۇشىن اي-92 ماركالى بەنزيننىڭ باعاسىن 99 تەڭگەدەن 95 تەڭگەگە دەيىن تومەندەتكەن. جولدىباي بازار. دەرەك, سۋرەت: auto.mail.ru.