فوتو: مقىا ءباسپاسوز قىزمەتى
جيىن بارىسىندا ءبىلىم بەرۋدەگى اكادەميالىق ادالدىقتى قامتاماسىز ەتۋ تاقىرىبى جان-جاقتى تالقىلاندى.
مەملەكەت باسشىسى 2021 جىلى ۇكىمەتتىڭ كەڭەيتىلگەن وتىرىسىندا جوعارى وقۋ ورىندارىندا اكادەميالىق ادالدىقتى بۇزۋ دەرەكتەرىنە جانە جەمقورلىق كورىنىستەرىنە جول بەرگەن جاعدايدا ليتسەنزيادان ايىرۋعا دەيىنگى قاتاڭ جاۋاپكەرشىلىك ەنگىزۋدى تاپسىرعان بولاتىن.
بۇگىندە ەلىمىزدىڭ ءبىلىم بەرۋ سالاسىندا ادەپ قۇندىلىقتارىن قالىپتاستىرىپ, سىبايلاس جەمقورلىققا نەمقۇرايدى قاراماۋعا باعىتتالعان بىرقاتار جۇمىس اتقارىلىپ جاتىر.
فورۋمعا قاتىسۋشىلار ءبىلىم بەرۋ سالاسىنداعى جۇيەلى جۇمىستار ەلىمىزدىڭ بولاشاقتاعى تۇراقتى دامۋىنىڭ كەپىلى ەكەنىن باسا ايتتى.
«حالقىمىزدا «نە ەكسەڭ, سونى وراسىڭ» دەگەن ۇلاعاتتى ءسوز بار. بۇگىنگى كۇنگى ءبىزدىڭ ءاربىر ءىسىمىز ەرتەڭگى قوعامنىڭ قانداي بولاتىنىن انىقتايدى. ءبىز قازىر ءبىلىم بەرۋ جۇيەسىندە وسكەلەڭ ۇرپاققا قانداي قۇندىلىقتاردى سىڭىرسەك, ەرتەڭگى كۇنى سونىڭ جەمىسىن كورەمىز. ادال ۇرپاق تاربيەلەسەك, ادال قوعام قۇرامىز. اكادەميالىق ادالدىق وسىنداي دۇرىس باعىت-باعداردى كوزدەيتىن ۇتىمدى ۇستانىم», دارحان جازىقباي.
ءىس-شارا بارىسىندا مەملەكەتتىك قىزمەت ىستەرى اگەنتتىگى, عىلىم جانە جوعارى ءبىلىم, وقۋ-اعارتۋ مينيسترلىكتەرى جانە اكادەميالىق ادالدىق ليگاسى اراسىندا ءبىلىم بەرۋدە اكادەميالىق ادالدىقتى قامتاماسىز ەتۋ جونىندەگى مەموراندۋمعا قول قويىلدى.
سونىمەن قاتار مەموراندۋمدى ىسكە اسىرۋدىڭ 2026-2027 جىلدارعا ارنالعان جول كارتاسى بەكىتىلدى.
