فوتو: اشىق دەرەككوز
سۋ تاپشىلىعىن بولدىرماۋ ماقساتىندا اۋىل شارۋاشىلىعى مينيسترلىگى مەن سۋ مينيسترلىگى جاقىن ارادا سۋدى پايدالانۋعا ناقتى ليميتتەر ەنگىزۋدى جوسپارلاپ وتىر. فەرمەرلەرگە ەگىستىكتەردىڭ قۇرىلىمىن قايتا قاراپ, سۋ كوپ قاجەت ەتپەيتىن داقىلدارعا كوشۋ ۇسىنىلادى.
سونىمەن قاتار ءار وبلىستا ىلعال ساقتاۋعا ارنالعان يننوۆاتسيالىق پرەپاراتتاردى سىناۋ ءۇشىن تاجىريبەلىك ۋچاسكەلەر ءبولۋ جوسپارلانعان.
«2026 جىلدىڭ ۆەگەتاتسيالىق كەزەڭىندە كەلەتىن بولجامدى سۋ اعىنى نەبارى 1-1,5 ملرد تەكشە مەترگە باعالانىپ وتىر. بۇل 1 ملرد تەكشە مەترگە دەيىن تاپشىلىق قاۋپىن تۋدىرادى. بىرقاتار وبلىستا 2025 جىلى ىلعال كوپ قاجەت ەتەتىن داقىلداردى قىسقارتۋ بويىنشا جوسپارلى كورسەتكىشتەر ورىندالمادى. وبلىس اكىمدىكتەرى ۆەگەتاتسيالىق كەزەڭ باستالعانعا دەيىن اگرارشىلار اراسىندا سۋ شىعىنى از داقىلدارعا كوشۋ قاجەتتىلىگى تۋرالى ءتۇسىندىرۋ جۇمىستارىن جۇرگىزۋى ءتيىس», دەدى قانات بوزىمباەۆ.
