سۋرەت اشىق دەرەككوزدەن الىندى
بۇل قۇبىلىستىڭ سىرى – بولمەنىڭ گەومەترياسىندا. ەيمس بولمەسى ءتورتبۇرىش ەمەس, قابىرعالارى, توبەسى مەن ەدەنى بەلگىلى ءبىر بۇرىشپەن جاسالىپ, كەڭىستىك تراپەتسيا ءپىشىنىن الادى. ادام ميى مۇنداي كەڭىستىكتى اۆتوماتتى تۇردە شارشى بولمە دەپ قابىلدايتىندىقتان, تەرەڭدىك پەن قاشىقتىقتى دۇرىس باعالاي المايدى. سول سەبەپتى بولمەدە تۇرعان ەكى ادام ءارتۇرلى جەردە ورنالاسسا دا, كوزگە بويلارى تۇرلىشە بولىپ كورىنەدى. ال ايىرماشىلىقتى تۋدىراتىن كەڭىستىكتىڭ جاسىرىن قۇرىلىمى مەن ميىمىزدىڭ ونى تۇزەتۋگە تىرىسۋى.
