قالا اكىمدىگى ماتچ كۇنى ستاديونعا قاتىنايتىن شامامەن 25 اۆتوبۋس ۇيىمداستىرادى.
اۆتوبۋستار مىنا ورىنداردان قاتىنايدى:
1.«قالالىق تسيرك» اۆتوتۇراعى;
2. «ازىرەت سۇلتان» مەشىتىنىڭ اۆتوتۇراعى;
3. «قازاقستان» سپورت كەشەنىنىڭ اۆتوتۇراعى;
4. ورتالىق پارك اۆتوتۇراعى;
5. «باس مەشىت» اۆتوتۇراعى.
اۆتوبۋستار 18:00-دە قوزعالا باستايدى جانە ەكى باعىتتا قاتىنايدى. كورەرمەندەرگە جينالۋ ورىندارىنا 17:30-عا دەيىن كەلۋ ۇسىنىلادى.
ماتچ كەزىندە استانا قالاسىنىڭ پوليتسيا دەپارتامەنتى قاۋىپسىزدىك شارالارىن كۇشەيتەدى. قوعامدىق ءتارتىپتى قامتاماسىز ەتۋ ءۇشىن شامامەن 2800 پوليتسيا قىزمەتكەرى جۇمىلدىرىلادى, وعان پاترۋلدىك بولىمشەلەر, ۋچاسكەلىك ينسپەكتورلار جانە كينولوگيالىق قىزمەت كىرەدى.
قابانباي باتىر مەن تۇران داڭعىلدارىندا كولىك قوزعالىسىنا شەكتەۋلەر ەنگىزىلمەيدى.
استانا پوليتسياسى كورەرمەندەرگە قوعامدىق ءتارتىپتى ساقتاۋدى, قۇقىق قورعاۋ قىزمەتكەرلەرىنىڭ نۇسقاۋلىقتارىن ورىنداۋدى ەسكەرتەدى جانە ماتچقا قاۋىپسىز ءارى ىڭعايلى جەتۋ ءۇشىن ۇيىمداستىرىلعان قوعامدىق كولىكتى پايدالانۋدى ۇسىنادى.
«قايرات» بۇعان دەيىن سىرت الاڭدا دانيانىڭ «كوپەنگاگەن» كومانداسىمەن كەزدەستى. قازاقستاندىق كوماندا قارسىلاسىنا 2:3 ەسەبىمەن ەسە جىبەرگەن ەدى.
