ۆەدومستۆونىڭ مالىمەتىنشە, ابىلاي حان داڭعىلى, 20ا مەكەنجايىندا بولعان ورتتەن كەيىن قالالىق اۋرۋحانالارعا التى ادام – ءبىر ەرەسەك جانە بەس بالا جەتكىزىلگەن. الدىن الا دياگنوز − كومىرتەك توتىعىمەن ۋلانۋدىڭ اۋىر دارەجەسى. بارلىعى جانساقتاۋ بولىمىنە جاتقىزىلدى, جاعدايلارى اۋىر دەپ باعالاندى.
«2014 جىلى تۋعان بالا وتە اۋىر حالدە جەتكىزىلدى. رەانيماتسيالىق شارالارعا قاراماستان, قايتىس بولدى», دەلىنگەن حابارلامادا.
قالعان زارداپ شەككەندەرگە بارلىق قاجەتتى مەديتسينالىق كومەك كورسەتىلىپ جاتىر.
توتەنشە جاعدايلار مينيسترلىگىنىڭ مالىمەتىنشە, ءورت تۋرالى حابار تۇسكەن ۋاقىت – 15:36. وقيعا ورنىنا كەلگەن قۇتقارۋشىلار ءبىرىنشى قاباتتان بەسىنشى قاباتقا دەيىنگى ارالىقتى تولىق باسقان قالىڭ ءتۇتىندى انىقتاعان. ءورت ءبىرىنشى قاباتتاعى قوسالقى بولمەدە تۇرعان بالالار اربالارى مەن تۇرعىنداردىڭ جەكە زاتتارىنان شىققان.
وقيعا ورنىندا تجد بولىمشەلەرى دەرەۋ بارلاۋ جانە ەۆاكۋاتسيا جۇمىستارىن باستادى. قۇتقارۋشىلار 40 ادامدى, ونىڭ ىشىندە 7 بالانى ەۆاكۋاتسيالادى, 6 ادامدى امان الىپ شىقتى. بارلىعى مەديتسينا قىزمەتكەرلەرىنە تاپسىرىلدى.
