الەۋمەتتىك مەديتسينالىق ساقتاندىرۋ قورىنىڭ رەسمي وكىلى زابيرا ورازاليەۆانىڭ مالىمدەۋىنشە, پاتسيەنت تىركەلگەن ەمحانادان وزىنە قاجەت قىزمەتتى ءمامس جۇيەسىنە قاتىساتىن كەز كەلگەن كلينيكادان الۋ ءۇشىن جولداما الا الادى. وسى جولداما نەگىزىندە كورسەتىلگەن مەديتسينالىق قىزمەت ءۇشىن ازامات ەشقانداي تولەم جاسامايدى. ويتكەنى ول شىعىندار قور تاراپىنان قوسالقى ورىنداۋشى كلينيكالارمەن جاسالعان كەلىسىمدەر اياسىندا وتەلەدى.
ەگەر ەمحانادا بەلگىلى ءبىر مامان بولماسا نەمەسە قاجەت تەكسەرۋلەردى جۇرگىزۋگە ارنالعان جابدىق جەتىسپەسە, ناۋقاس باسقا كلينيكاعا جىبەرىلەدى.
مىسالى, حالىق سانى از شاعىن ەمحانالاردا پۋلمونولوگ, اللەرگولوگ, انگيوحيرۋرگ سىندى تار بەيىندى دارىگەرلەر بولماۋى مۇمكىن;
كەيبىر ەمحانالاردا ۋدز, رەنتگەن سياقتى دياگنوستيكالىق اپپاراتتار جوق;
مامانداردىڭ جۇمىس كەستەسى ءبىر ايعا تولىپ كەتۋى ىقتيمال;
دارىگەر ەڭبەك دەمالىسىنا شىقسا نەمەسە جابدىق ۋاقىتشا ىستەن شىقسا دا جولداما بەرىلەدى.
وسىنداي جاعدايلاردا پاتسيەنت قاجەت قىزمەتتى الۋ ءۇشىن, ونىڭ ىشىندە جەكە كلينيكاعا دا, جولداما سۇراي الادى.
ماڭىزدىسى – جولداما تەك الەۋمەتتىك مەديتسينالىق ساقتاندىرۋ قورىنىڭ جەتكىزۋشىلەرى تىزىمىندە بار جەكە كلينيكالارعا عانا راسىمدەلەدى. ەمحانا مەن جەكە كلينيكا اراسىندا كەلىسىمشارتتىڭ بولۋى مىندەتتى ەمەس – جولداما ەلەكتروندىق جۇيەدە اۆتوماتتى تۇردە قالىپتاستىرىلادى, - دەپ ءتۇسىندىردى الەۋمەتتىك مەديتسينالىق ساقتاندىرۋ قورىنىڭ رەسمي وكىلى.
جەكە كلينيكادا ازامات تەك كەڭەس الىپ, تەكسەرۋدەن ءوتىپ قانا قويماي, قاجەت بولعان جاعدايدا كۇندىزگى نەمەسە تاۋلىكتىك ستاتسيوناردا, سونىڭ ىشىندە ءمامس شەڭبەرىنە كىرەتىن ءتۇرلى وپەراتسيالار جاساتا الادى.
ەگەر ەمحانا قاجەتتى قىزمەتكە جولداما بەرمەسە, الدىمەن سول مەديتسينالىق ۇيىمداعى پاتسيەنتتەردى قولداۋ قىزمەتىنە جۇگىنۋگە بولادى. ماسەلە شەشىلمەسە, قورعا رەسمي ءوتىنىش جولداپ, تەكسەرىس جۇرگىزۋدى سۇراۋعا مۇمكىندىك بار.
قوردىڭ تۇسىندىرۋىنشە, بارلىق دياگنوستيكالىق جانە كونسۋلتاتسيالىق قىزمەتتەر ەمدەۋشى دارىگەردىڭ شەشىمىمەن تاعايىندالادى. دارىگەر ناۋقاستىڭ جاعدايىن, شاعىمدارىن, سيمپتومدارىن باعالايدى جانە كورسەتىلىمدەر بولسا عانا ءپروفيلدى مامانعا نەمەسە زەرتحانالىق, اسپاپتىق زەرتتەۋلەرگە جولداما بەرەدى.
