سوتتا انىق بولعانى كامەلەت جاسىنا تولماعان ا. ەسىمدى ادام 2025 جىلعى 21 شىلدەدە Telegram الەۋمەتتىك جەلىسى ارقىلى ءۇيدى تازالاپ بەرەتىن قىز-كەلىنشەك قاجەت دەپ جارناما بەرەدى. جابىرلەنۋشى مارقۇم وسى جارناما بويىنشا حابارلاسىپ, سول كۇنى ءۇيدى تازالاپ, كەلىسكەن ەڭبەك اقىسىن سۇراعان. الايدا, ا. وسى ەڭبەك اقىنى تولەمەۋ ماقساتىندا جابىرلەنۋشىنى ءولتىرىپ, ونىڭ ۇيالى تەلەفونىن يەمدەنىپ العان.
كامەلەتكە تولماعان سوتتالۋشىنىڭ كىناسى, ءوزىنىڭ, جابىرلەنۋشىلەردىڭ, كۋالەردىڭ جاۋاپتارىمەن, ساراپتاما تۇجىرىمدارىمەن جانە زاتتاي دالەلدەمەلەرمەن دالەلدەندى. سوت, جازا تاعايىنداعان كەزدە سوتتالۋشىنىڭ قىلمىستىق جاۋاپكەرشىلىگىن جەڭىلدەتەتىن ءمان-جايلار رەتىندە ونىڭ جاسى كامەلەتكە تولماعانىن جانە ىستەگەن ءىس-ارەكەتىنە شىنايى وكىنىش بىلدىرگەنىن ەسكەردى. ءىس بويىنشا سوتتالۋشىنىڭ قىلمىستىق جاۋاپكەرشىلىگىن اۋىرلاتاتىن ءمان-جايلار انىقتالمادى.
سونىمەن سوت ا.-نى قىلمىستىق كودەكستىڭ 99-بابىنىڭ 1-بولىگىمەن, سونداي-اق وسى قىلمىستىق كودەكستىڭ 188-بابىنىڭ 1-بولىگىمەن كىنالى دەپ تانىپ, وعان قىلمىستاردىڭ جيىنتىعى بويىنشا 7 جىل 6 اي مەرزىمگە باس بوستاندىعىنان ايىرۋ جازاسىن تاعايىندادى. سوتتالۋشى جازاسىن كامەلەتكە تولماعانداردى ۇستاۋعا ارنالعان قىلمىستىق اتقارۋ جۇيەسىنىڭ ورتاشا قاۋىپسىز مەكەمەسىندە وتەيتىن بولادى. ا.-عا قاتىستى قىلمىستىق ءىس جابىق سوت وتىرىسىندا قارالدى.
ۇكىم ءالى زاڭدى كۇشىنە ەنبەدى.
شىمكەنت
