اتالعان اۋداننىڭ اۋماعىندا مەندەلەەۆ كەستەسىنە ەنگەن پايدالى مينەرالدىڭ مول قورى بارى انىقتالعان. الايدا قازاق ەلىنىڭ ءبىر قيىرىنداعى قازبا بايلىق ءالى تولىق يگەرىلگەن جوق. دەگەنمەن 1978 جىلى ديماشتوبە اتاۋى بەرىلگەن قىراتتا تابيعي بايلىقتىڭ سان الۋانى قويىلعان اسپان استىنداعى اشىق مۇراجاي ۇيىمداستىرىلىپتى. «پايدالى قازبالاردى بارلاۋ ءىسىنىڭ ۇزدىگى» مارات مۇقانوۆتىڭ اي-
تۋىنا قاراعاندا, بۇعان قازاقستان كومپارتياسى ورتالىق كوميتەتىنىڭ ءبىرىنشى حاتشىسى دىنمۇحامەد قوناەۆتىڭ اۋدان-عا كەلگەنى سەبەپ بولعان.
جاقىندا تۇلعا ايالداعان قىراتتا اشىق اسپان استىنداعى مۇراجاي قايتا جاڭعىردى. اۋدان اكىمى سەرىك نىسانباەۆتىڭ ايتۋىنشا, بۇل مۇراجايدى اشۋ ءىسى بىلتىرعى جىلدىڭ جەلتوقسانىندا باستالىپتى. ارنايى جابدىقتالعان كەشەن اۋماعىندا دىنمۇحامەد قوناەۆقا ارنالعان مەموريالدىق تاقتا قويىلدى. جەر استىنداعى قازبا بايلىقتىڭ بىرنەشە تۇرىنە 22 جاشىك ورناتىلدى. سونداي-اق ديماشتوبە, «تۇز كولى», «قىز اۋليە» اتاۋلارى جونىندە اقپارات جازىلعان تاقتايشا ءىلىندى.
اتىراۋ وبلىسى
