سۋرەت اشىق دەرەككوزدەن الىندى
تاجىريبەگە 18–40 جاس ارالىعىنداعى بىرنەشە ەرىكتى قاتىسقان. ءبىرىنشى توپ الەمدىك سۋرەت ونەرىنىڭ شەدەۆرلەرىن تۇپنۇسقا كۇيىندە تاماشالادى. ال ەكىنشى توپ ءدال سول كارتينالاردىڭ كوشىرمەسىن كورىپ وتىردى. زەرتتەۋ بارىسىندا قاتىسۋشىلاردىڭ جۇرەك سوعىسى, دەنە تەمپەراتۋراسى جانە سىلەكەي قۇرامىنداعى كورسەتكىشتەر باقىلاۋعا الىنعان. ناتيجەسىندە, تۇپنۇسقانى كورگەن ادامداردىڭ سترەسس گورمونى 22 پايىزعا تومەندەگەن. ال كوشىرمەنى كورگەندەردە بۇل كورسەتكىش بار بولعانى 8-اق پايىز. عالىمداردىڭ ايتۋىنشا, مۇنداي اسەر جۇرەك-قان تامىر جۇيەسىنە, كۇيزەلىس دەڭگەيىنە جانە پسيحيكالىق ساۋلىققا وڭ ىقپال ەتىپ, كەي اۋرۋلاردىڭ الدىن الۋعا دا كومەكتەسۋى مۇمكىن.
