فوتو:gov.kz
تۇرعىننىڭ ايتۋىنشا, قالاداعى سۋپەرماركەتتەردىڭ بىرىندە تاۋاردىڭ باعاسى ۇلتتىق ۆاليۋتا – تەڭگەمەن ەمەس, رەسەي رۋبلىمەن كورسەتىلگەن. تۇسكەن ءوتىنىش نەگىزىندە دەپارتامەنت ماماندارى ساۋدا نىسانىنا جوسپاردان تىس تەكسەرىس جۇرگىزدى. تەكسەرۋ بارىسىندا زاڭ بۇزۋشىلىق فاكتىسى راستالىپ, باعا بەلگىلەرىندە شەتەل ۆاليۋتاسى كورسەتىلگەنى انىقتالدى.
«بۇل ەلىمىزدىڭ زاڭناماسىنا قايشى, سەبەبى تاۋارلار مەن قىزمەتتەردىڭ باعاسى تەك تەڭگەمەن كورسەتىلۋى ءتيىس. تەكسەرۋ ناتيجەسىندە سۋپەرماركەت يەسى اكىمشىلىك جاۋاپكەرشىلىككە تارتىلدى. سونىمەن قاتار, دەپارتامەنت انىقتالعان زاڭ بۇزۋشىلىقتاردى جويۋ تۋرالى نۇسقاما بەرىپ, ساۋدا ورنىنىڭ باسشىلىعىنا باعا بەلگىلەرىن زاڭ تالاپتارىنا سايكەستەندىرۋدى مىندەتتەدى», دەلىنگەن مينيسترلىكتىڭ حابارلاماسىندا.
مۇنداي جاعدايلار تۇتىنۋشىلاردى شاتاستىرىپ قانا قويماي, ولاردىڭ قۇقىقتارىن دا بۇزادى. باعانىڭ شەتەل ۆاليۋتاسىمەن كورسەتىلۋى ەسەپ ايىرىسۋدا قيىندىقتار تۋعىزىپ, ساۋدا ورىندارىنا دەگەن سەنىمسىزدىك قالىپتاستىرۋى مۇمكىن.
سولتۇستىك قازاقستان وبلىسىنىڭ ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى ءاربىر ازامات تاۋاردىڭ قۇنى تۋرالى دۇرىس ءارى اشىق اقپارات الۋعا قۇقىلى ەكەنىن ەسكە سالادى. زاڭ بۇزۋشىلىق انىقتالعان جاعدايدا تۇتىنۋشىلار ءوز مۇددەلەرىن قورعاۋ ءۇشىن ۋاكىلەتتى ورگاندارعا جۇگىنە الادى.
