قازاقستاندا ەندى ەكى ايعا جەتەتىن بەنزين قالدى

استانا. 22 ناۋرىز. ۇستىمىزدەگى جىلدىڭ 17 ناۋرىزىنداعى جاعداي بويىنشا, ەلىمىزدەگى جانار ماي قويمالارىندا 422,2 مىڭ توننا اي-92 ماركالى بەنزين جانە 615,2 مىڭ توننا ديزەل وتىنى قالعان. بۇل تۋرالى total.kz حابارلادى. مامانداردىڭ ايتۋىنشا, بۇل كورسەتىلگەن جانارماي قورى 2 ايعا عانا جەتەتىن كورىنەدى. ەسكە سالا كەتەيىك, ۇستىمىزدەگى جىلدىڭ 5 ناۋرىزىنان 20 ساۋىرگە دەيىن قازاقستان رەسەيدەن بەنزين جانە ديزەل وتىنىن يمپورتتاۋدى توقتاتقان بولاتىن. ەنەرگەتيكا مينيسترلىگى ءمالىم ەتكەندەي, اتالمىش شەكتەۋ ەلىمىزگە رەسەيدەن كەلەتىن بەنزين مەن ديزەل وتىنىنىڭ تىم كوبەيىپ كەتكەنىنە بايلانىستى قويىلعان. قازىرگى تاڭدا ساراپشىلار اتالمىش شەكتەۋدىڭ تىيىم ەلىمىزدەگى بەنزين جانە ديزەل وتىنىنىڭ تاپشىلىعى مەن قىمباتتاۋىنا اپارىپ سوقتىراتىنىن ەسكەرتىپ وتىر. ال ەنەرگەتيكا مينيسترلىگى رەسەيدەن كەلەتىن جانار مايعا قويىلعان شەكتەۋ ىشكى نارىققا اسەر ەتپەيتىنىن, دالىرەگى بەنزين جانە ديزەل وتىنى قىمباتتامايتىنىن جەتكىزدى. جولدىباي بازار. دەرەك, سۋرەت: total.kz.