مامانداردىڭ ايتۋىنشا, سىرقاتتانعانداردىڭ باسىم بولىگى – 14 جاسقا دەيىنگى بالالار. ولارعا قاتىستى 11 267 جاعداي تىركەلىپ, جالپى كورسەتكىشتىڭ 65,3 پايىزىن كورسەتىپ وتىر. ءبىر جاسقا تولماعان سابيلەر اراسىندا – 127 بالاعا دياگنوز قويىلعان. سونداي-اق, جۇكتى ايەلدەر اراسىندا 83 دەرەك تىركەلگەن.
ەپيدەميولوگيالىق ماۋسىم باستالعالى بەرى وبلىستا 57 025 ادام جرۆي جۇقتىرعان. ونىڭ 34 948-ءى – بالالار. بىلتىرعى ماۋسىممەن سالىستىرعاندا كورسەتكىش 1,6 ەسەگە ارتقان. وتكەن جىلى وسى كەزەڭدە 35 752 جاعداي تىركەلگەن.
سوڭعى اپتادا 176 ادام اۋرۋحاناعا جاتقىزىلعان, ونىڭ 38-ءى – وكپە قابىنۋىمەن اۋىرعاندار. بيىلعى ماۋسىمدا 43 ادامنان تۇماۋ راستالدى.
قاۋىپتىڭ كۇشەيۋىنە بايلانىستى قوستاناي قالاسىنداعى بارلىق مەكتەپ وقۋشىلارى مەن كەيبىر كوللەدج ستۋدەنتتەرى قاشىقتان ءبىلىم الىپ جاتىر.
