فوتو: ku.edu.kz
قۇجات بويىنشا سەيسميكالىق قاۋىپتى ايماقتارداعى قۇرىلىس تالاپتارى كۇشەيتىلىپ, قالا قۇرىلىسىن جوسپارلاۋ كەزىندە سەيسميكالىق ميكروايماقتاۋ كارتالارىن ەسەپكە الۋ مىندەتتەلەدى.
بۇل كارتالار سەيسميكالىق قاۋىپ دەڭگەيىن عانا ەمەس, گيدروگەولوگيالىق جاعدايدى, بەلگىلى ءبىر ۋچاسكەلەردەگى توپىراق سيپاتىنىڭ ەرەكشەلىكتەرىن ەسكەرەدى.
كودەكستە سەيسميكالىق قاۋىپتى باعالاۋ سىندى جاڭا رەتتەۋ تەتىگى بەكىتىلگەن. سونداي-اق قۇرىلىس نىساندارىنىڭ پايدالانۋعا جارامدى نە جارامسىزدىعىن انىقتاۋعا, كونسترۋكتسيالاردىڭ ساپاسىن تەكسەرۋگە, نىساندى توزعان دەپ تانۋعا, قايتا جاڭارتۋ مۇمكىندىگىنە باعىتتالعان قولدانىستاعى قۇرىلىس نىساندارىن پاسپورتتاۋ جونىندەگى نورمالار كوزدەلگەن.
ال نىسانداردى پاسپورتتاۋ جاۋاپكەرشىلىگى جەرگىلىكتى اتقارۋشى ورگاندارعا جۇكتەلەدى.
سونىمەن قاتار قۇرىلىس كودەكسى بويىنشا قاجەتتى ينجەنەرلىك تەكسەرۋ جۇمىسىن جۇرگىزبەي تۇرىپ جوبالىق قۇجاتتامانى دايىنداۋعا, نىسانداردى سالۋعا تىيىم سالىنادى.
ەگەر قۇرىلىستىڭ تىعىزدىعى, عيماراتتاردىڭ بيىكتىگى نەمەسە الەۋمەتتىك ينفراقۇرىلىممەن قامتاماسىز ەتۋ نورمالارى بۇزىلسا, ەگجەي-تەگجەيلى جوسپارلاۋ جوباسىنا وزگەرىس ەنگىزۋگە بولمايدى.
زاڭ قۇرىلىس نىسانىنىڭ «ەسكى» جانە «اپاتتىق» جاي-كۇيى, ء«ورت-تەحنيكالىق تەكسەرۋ» جانە «ساۋلەت, قالا قۇرىلىسى جانە قۇرىلىس قىزمەتى سالاسىنداعى اۆتوماتتاندىرىلعان ءتىزىلىم» ۇعىمدارىن دا ناقتىلايدى.
