فوتو: egemen.kz/ قىرمىزى جۇماعاليقىزى
دەنساۋلىق ساقتاۋ مينيسترلىگى وڭىردەگى كادر تاپشىلىعىن ازايتۋ ماقساتىندا دارىگەرلەرگە الەۋمەتتىك تولەمدى كوپ ۇسىنعان ۇزدىك 5 وبلىستى اتادى.
باتىس قازاقستان, شىعىس قازاقستان, پاۆلودار, الماتى جانە اتىراۋ وبلىستارى جۇمىسقا ورنالاستىرۋ كەزىندە دارىگەرلەرگە الەۋمەتتىك كومەك رەتىندە 8,5 ملن تەڭگەگە جەتەتىن تولەم بەرگەن.
قاڭتار-قازان ارالىعىندا 417 جاس مامان وقۋىن تامامداعاننان كەيىن بىردەن جۇمىسقا ورنالاسسا, 287 دارىگەر رەسپۋبليكالىق بيۋدجەت ەسەبىنەن قولداۋ شارالارىمەن قامتىلعان.
866 مامان جەرگىلىكتى بيۋدجەتتەن, 106 دارىگەر مەديتسينالىق ۇيىمدار ەسەبىنەن الەۋمەتتىك تولەم العان. ونىڭ ىشىندە 248 مامان دارىگەر تاپشى وڭىرلەرگە بارعان.
سونداي-اق 571 دارىگەر باسپانامەن قامتىلعان.
دارىگەرلەردى الەۋمەتتىك قولداۋ اياسىندا ەڭ جوعارى تولەمدى جەتىسۋ وبلىسى ۇسىنعان. اتالعان ايماققا بارعان دارىگەرلەر 10 ميلليون تەڭگە كومەك العان.
