كەڭەس مۇشەلەرى پرەزيدەنتتىڭ الاتاۋ قالاسىنا دامۋ قارقىنى وزىق قالا دەگەن ارناۋلى مارتەبە بەرۋ تۋرالى جارلىعى شەڭبەرىندە ءتيىستى ينستيتۋتسيونالدىق بازانى ازىرلەۋ بارىسى مەن ينفراقۇرىلىم سالۋ مەن ينۆەستيتسيالار تارتۋ جونىندەگى شارالاردى تالقىلادى. «Alatau سity اuthority» جاڭا مەملەكەتتىك قورىنىڭ قىزمەتىندەگى ماسەلەلەر قارالدى.
ۇكىمەت باسشىسىنا ازىرلەنىپ جاتقان «الاتاۋ قالاسىنىڭ ارنايى مارتەبەسى تۋرالى» كونستيتۋتسيالىق زاڭ جوباسىنا قاتىستى ۇسىنىستار ايتىلدى, ولاردىڭ قاتارىندا ءوزىنىڭ جەكە رەتتەۋشىلىك پەن اكىمشىلىك ەكوجۇيەسىن قۇرۋ, قۇقىقتىق, باسقارۋشىلىق يننوۆاتسيالار, مەملەكەتتىك سەرۆيستەردىڭ تسيفرلىق ينتەگراتسياسى مەن تاعى دا باسقالار بار.
ودان بولەك, قۇرىلىس, ەنەرگەتيكا, ەكولوگيا, كولىك پەن تكش سالالارىندا, سونىڭ قاتارىندا «اقىلدى» قالا تەحنولوگياسى شەڭبەرىندە دە, حالىقارالىق ستاندارتتار مەن يننوۆاتسيالاردى ەنگىزۋ ۇسىنىلىپ وتىر. كەپىلدىكتەردى قامتاماسىز ەتۋ مەن ينۆەستورلار ءۇشىن قولايلى جاعدايلار جاساۋ تۋرالى ءىس-شارالار دا كوزدەلگەن. ماڭىزدى باعىتتاردىڭ ءبىرى – روبوتتەحنيكالىق جۇيەلەردى دامىتۋ مەن كەڭىنەن پايدالانۋ, سونداي-اق تسيفرلىق اكتيۆتەردىڭ اينالىمىن رەتتەۋ.
كەڭەس مۇشەلەرى الاتاۋ قالاسىندا ينجەنەرلىك-ينفراقۇرىلىمدىق جوبالاردى جۇزەگە اسىرۋ جول كارتاسىن قارادى. پرەمەر-ءمينيستردىڭ ورىنباسارى قانات بوزىمباەۆ بۇگىندە ينجەنەرلىك جەلىلەردى جوسپارلاۋدىڭ سالالىق سحەمالارى بەكىتىلگەنىن, ءبىرىنشى كەزەكتە جوباسى جاسالىپ, قۇرىلىسى سالىناتىن 30 نىسان انىقتالعانىن باياندادى.
مۇندا قولدانىستاعى عيماراتتاردى رەكونسترۋكتسيالاۋ مەن جاڭا ينفراقۇرىلىم نىساندارىن سالۋ جۇمىستارى قاتار جۇرگىزىلەدى. جاڭا نىساندار قاتارىندا بىرنەشە قوسالقى ستانسالار, سۋ جيناۋ تورابى, گاز قۇبىرلارى, كارىز تازارتۋ قۇرىلىستارى, اۆتوجولدار مەن تاعى دا باسقالار بار. بۇل جۇمىستاردى كەلەسى جىلى باستاپ كەتۋ جوسپارلانىپ وتىر. ينفراقۇرىلىمدىق نىسانداردى سالۋ كەزىندە «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسىنىڭ تەتىكتەرى پايدالانىلاتىن بولادى. سونداي-اق EPC+F قۇرالدارىن قولدانۋ مۇمكىندىگى قاراستىرىلادى, مۇندا مەردىگەر كومپانيا قارجىلاندىرۋدان باستاپ جوبانىڭ بارلىق كەزەڭىنە جاۋاپ بەرەدى.
الماتى وبلىسىنىڭ اكىمى مارات سۇلتانعازيەۆ الاتاۋ قالاسىنىڭ اعىمداعى الەۋمەتتىك-ەكونوميكالىق دامۋى مەن جاڭا ينۆەستيتسيالىق جوبالاردى ىسكە قوسۋ بويىنشا اتقارىلىپ جاتقان جۇمىستار تۋرالى باياندادى.
ينفوگرافيكانى جاساعان – امانگەلدى قياس, «ەQ»
الاتاۋ قالاسىنىڭ بيۋدجەتى ءۇش ەسەگە ءوسىپ, 8,8 ملرد تەڭگەگە جەتتى. 10 ايدا ونەركاسىپتىك ءوندىرىس كولەمى 17%-عا ارتىپ, 115,6 ملرد تەڭگەنى قۇرادى. بۇل رەتتە ينۆەستيتسيا كولەمى 13%-عا ءوسىپ, بۇگىندە شامامەن 46,4 ملرد تەڭگەگە جەتتى. پۋل 21 مىڭنان اسا جۇمىس ورنىن اشۋدى كوزدەيتىن 41 ينۆەستيتسيالىق جوبانى قامتيدى. قازىرگى ۋاقىتتا قۇنى 1 ترلن تەڭگە بولاتىن 18 جوبا جۇزەگە اسىرىلۋدا. بۇل – PepsiCo, United Hygiene, «مولوچنايا دولينا», اسپ ارەنا, QazQon Hub, اۆز, يستكومترانس سياقتى باسقا دا ءىرى كومپانيالاردىڭ لوگيستيكا, اوك, تاماق پەن جەڭىل ونەركاسىپ سالالارىنداعى جاڭا ءوندىرىس ورىندارى.
جالپى اۋدانى 97,9 مىڭ گەكتاردى قۇرايتىن ەلىمىزدەگى ەڭ ءىرى اlatau اەا قۇرۋ جۇمىستارى جۇرگىزىلىپ جاتىر. ونىڭ 24 مىڭ گەكتاردان استامى قالا سىرتىندا ورنالاسقان ءارى اوك ونىمدەرىن قايتا وڭدەۋدەگى ماڭىزدى جوبالاردى قامتيدى. وسى ءوندىرىس ورىندارىنا كەپىلدىكتەردى ساقتاۋ مەن جاڭا كاسىپورىنداردى ىسكە قوسۋ ماقساتىندا جاڭا ونەركاسىپتىك-لوگيستيكالىق اەا قۇرۋ تۋرالى اكىمدىكتىڭ ۇسىنىستارى قارالدى. بولاشاقتا بۇل الماتى وبلىسىندا يندۋستريالىق, لوگيستيكالىق, تۋريستىك ءارى ەنەرگەتيكالىق كلاستەرلەردىڭ دامۋىنا ىقپال ەتەدى.
باس جوسپاردى جۇزەگە اسىرۋ اياسىندا الاتاۋدىڭ ساۋلەت كەلبەتى مەن زاماناۋي قالا قۇرىلىسىنا قاتىستى شەشىمدەرگە ەرەكشە نازار اۋدارىلدى. «Caspian Group» اق ديرەكتورلار كەڭەسىنىڭ توراعاسى يۋري تسحاي Iconic building ىسكەرلىك ورتالىعىنىڭ كورنەكتى عيماراتى قۇرىلىسىن قامتيتىن, Gate District اۋدانىندا جاڭا ىسكەرلىك اۋداندى دامىتاتىن جوبانى تانىستىردى. بيىلعى قىركۇيەك ايىندا مەملەكەت باسشىلارىنىڭ قاتىسۋىمەن وتكەن قازاق-قىتاي ىسكەرلىك كەڭەسى اياسىندا اتالعان جوبا بويىنشا ۇشجاقتى كەلىسىمگە قول جەتكىزىلدى.
الاتاۋ قالاسى وزىق تەحنولوگيالار ترانسفەرى مەن يننوۆاتسيالاردى كەڭ اۋقىمدا تاراتۋدى قامتاماسىز ەتەدى. الاتاۋ قالاسى جالپى قۇقىقتىڭ جاڭا جۇيەسى مەن ىنتالاندىرۋدىڭ ارنايى رەجىمدەرىن ەنگىزۋدىڭ ناتيجەسىندە حالىقارالىق كورپوراتسيالار ءۇشىن بىرەگەي جاعداي جاساماق. بۇل تۋرالى «Asia Infrastructure Solutions Singapore» كومپانياسىنىڭ توراعاسى, الاتاۋ قالاسىن دامىتۋ جونىندەگى كەڭەستىڭ مۇشەسى حەن فاين ۆونگ مالىمدەدى. ونىڭ ايتۋىنشا, جاڭا قالا شەتەلدىك بيزنەسكە تالانتتار مەن كاپيتالدى ەركىن تارتۋعا مۇمكىندىك بەرەتىن تۇبەگەيلى وزگەشە جۇمىس مودەلىن ۇسىنادى. بۇل ۇدەرىستە «استانا» حالىقارالىق قارجى ورتالىعىمەن تىعىز ينتەگراتسيالاناتىن Gate District قارجى كلاستەرى ەرەكشە ءرول اتقارماق.
«بۇل جەرگىلىكتى ىشكى جالپى ءونىمنىڭ وسۋىنە ەلەۋلى ۇلەس قوسادى دەپ ويلايمىن. كوپتەگەن وزگە دە جاعدايلارداعى سياقتى بىرنەشە مارتە مۋلتيپليكاتيۆتى اسەر بەرۋى مۇمكىن. مۇنىڭ ءبارى قارجى يندۋسترياسىنىڭ قاي سەكتورىن تاڭداپ الاتىنىمىزعا بايلانىستى. ءبىز PropTech-ءتى, سونداي-اق كريپتوۆاليۋتالار مەن جاڭا تسيفرلىق اكتيۆتەردى باعدار ەتەمىز. بۇل قازىر قازاقستاننىڭ باسقا ەش جەرىندە جوق يندۋستريانىڭ جاڭا ءتۇرى», دەدى حەن فاين ۆونگ.
الاتاۋ سونداي-اق Smart City جانە «تومەن بيىكتىكتەگى ەكونوميكا» سالاسىن دامىتۋ ءۇشىن دە نەگىزگى پلاتفورما رەتىندە قاراستىرىلىپ وتىر, ونىڭ ىشىندە ۇشقىشسىز ۇشۋ اپپاراتتارى مەن روبوتتاندىرىلعان تاكسيلەردى پايدالانۋ باستامالارى بار. وسى ماقساتتارعا ارنايى رەتتەۋ رەجىمى قولدانىلادى.
«ەگەر بۇل جوبا الاتاۋ قالاسىندا «قۇمسالعىش» فورماتىندا ءساتتى جۇزەگە اسسا, ونى ەل كولەمىندە تاراتۋعا بولادى. بۇل ەلدىڭ ىشىندەگى قىزمەتتى ايتارلىقتاي جانداندىرادى. مىسالى, تسيفرلىق اكتيۆتەر سالاسىندا جەر مەن جىلجىمايتىن م ۇلىكتى توكەنيزاتسيالاۋدىڭ جاڭا تۇرلەرى پايدا بولادى, بۇل شەتەلدىك جانە جەرگىلىكتى ينۆەستورلار ءۇشىن قولايلى», دەگەن حەن فاين ۆونگ, قالانىڭ حالىقارالىق ساۋدا ءۇشىن ستراتەگيالىق ماڭىزى تۋرالى دا ايتتى. الاتاۋدىڭ قىتاي مەن ەۋروپا اراسىنداعى جولداردىڭ تۇيىسكەن جەرىندە ورنالاسۋى باتىس قىتايدان شىعاتىن جۇكتەردى, بوساماي جاتقان شىعىستاعى پورتتارىنا اپارماي, تىكە تاسىمالداۋعا مۇمكىندىك بەرەتىنىن اتاپ ءوتتى. بۇل ترانسكاسپي حالىقارالىق كولىك باعىتى شەڭبەرىندە جۇمىس ىستەپ جاتقان وتاندىق كومپانيالار ءۇشىن كەڭ اۋقىمدى پەرسپەكتيۆالار تۋعىزادى.
جالپى, الاتاۋدا تۇرعىن ءۇي قۇرىلىسى قازىر وڭ قارقىن كورسەتىپ وتىر. بيىل 103 مىڭ شارشى مەتردەن استام تۇرعىن ءۇي پايدالانۋعا بەرىلدى. حالىقارالىق ساراپشىلاردى تارتۋ مەن الەمنىڭ جەتەكشى مەگاپوليستەرى تاجىريبەسىن زەردەلەۋ ارقىلى قالانىڭ ديزاين-كودى مەن كەشەندى كولىك سحەماسى ازىرلەنىپ جاتىر.
وتىرىس قورىتىندىسىندا پرەمەر-مينيستر ءتيىستى مينيسترلىكتەر مەن الماتى وبلىسى اكىمدىگىنە جۇمىستى جەدەلدەتۋ مەن ساپالى جۇزەگە اسىرۋ جونىندە بىرقاتار تاپسىرما بەردى.
