فوتو: instagram.com/rustemova_aliya
استانا قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە, فەلدشەر ءوزىنىڭ كاسىبي مىندەتتەرىن ورىنداۋ كەزىندە اۋىر جاراقات العان.
«18 قاراشادا ءوزىنىڭ كاسىبي مىندەتتەرىن ورىنداۋ كەزىندە اۋىر جاراقات العان فەلدشەر – ارىپتەسىمىز قايتىس بولعانىن قايعىرا ايتامىز. تۇرعىن ءۇي كەشەنىنىڭ سىرتقى كىرپىش قاپتاماسىنىڭ ءبىر بولىگى قۇلاعان كەزدە زارداپ شەككەندەرگە مەديتسينالىق كومەك كورسەتە وتىرىپ, ءوزى دە اۋىر جاراقات الىپ, وتە اۋىر جاعدايدا اۋرۋحاناعا جەتكىزىلدى», دەلىنگەن حابارلامادا.
8 قاراشادان باستاپ جانساقتاۋ بولىمىندە اۋىر جاعدايدا جاتقان ناۋقاسقا بارلىق قاجەتتى مەديتسينالىق كومەك كورسەتىلگەن.
«قوعامدىق دەنساۋلىق ساقتاۋ باسقارماسى جانە بارلىق مەديتسينالىق قاۋىمداستىق مارقۇمنىڭ تۋعان-تۋىستارى مەن جاقىندارىنا شىن جۇرەكتەن كوڭىل ايتادى. قايعىعا ورتاقتاسىپ, اۋىر قازاعا كوڭىل بىلدىرەدى», دەلىنگەن حابارلامادا.
ەستەرىڭىزگە سالا كەتەيىك, 8 قاراشادا استاناداعى تاۋەلسىزدىك داڭعىلى, 24B مەكەن-جايىنداعى توعىز قاباتتى عيماراتتىڭ قاسبەتىنەن كىرپىش جابىنى قۇلادى. سالدارىنان بەس ادام جاراقات الىپ, №1 جالپى اۋرۋحاناعا جەتكىزىلگەن.
